9 شىلدە, 15:37 478 0 جاڭالىقتار ارايلىم بيمەنديەۆا

ەڭ باستىسى – ەل سەنىمى

«Nur Otan» بۇگىندە بيلىك پەن حالىق اراسىنداعى دانەكەر پارتياعا، حالىقتى بىرىكتىرەتىن ساياسي كۇشكە اينالدى. قاراپايىم حالىق پارتيانىڭ بەلسەندى جۇمىسىن بىلتىرعى ارىس وقيعاسى مەن بيىلعى COVID-19 ۆيرۋسىنىڭ كەڭ تارالۋى كەزىندە سەزىنىپ، ناتيجەسىندە ەلدىڭ پارتياعا دەگەن سەنىمى ارتىپ كەلەدى.

وسىدان ءبىر جىل بۇرىن «Nur Otan» پار­تياسى توراعاسىنىڭ ءبىرىنشى ورىن­با­سارى بولىپ تاعايىندالعان باۋىرجان بايبەك ءوز جۇمىسىن پارتيالىق ءتارتىپتى تۇبەگەيلى كۇ­شەيتىپ، ىشكى «تازالاۋ» جۇمىستارىن ءجۇر­گىزۋدەن باستاعان بولاتىن. بۇدان بىلاي سان­نان گورى ساپاعا ءمان بەرىلەتىنىن ايتقان  باۋىر­جان بايبەك ناقتى شارالاردى قولعا الىپ، قارقىندى جۇمىس جۇرگىزە باستادى.

قوعامدىق قابىلداۋداعى اشىقتىق

حالىق پەن بيلىكتىڭ اراسىن جاقىن­داتۋ­داعى ۇزدىك تاسىلدەردىڭ ءبىرى  – قوعامدىق قا­­­­بىلداۋ. حالىقتىڭ مۇڭ-مۇقتاجىنا  قۇلاق ءتۇرىپ، كومەككە ءزارۋ جانداردى قام­قورلىققا العان پارتيانىڭ ەڭبەگى قالىڭ بۇقارانىڭ سەنىمىن ارتتىرا تۇسكەنى انىق. تۇرعىندار تاراپىنان قوزعالعان تۇيتكىلدى ماسەلەلەر مەن ءوتىنىش-تىلەكتەردى وڭ شەشۋدە پار­تيانىڭ الار ورنى ەرەكشە.

وتكەن جىلى پارتيانىڭ قوعامدىق قاب­ىلداۋلارىنا 214 مىڭنان استام ادام جۇگىنگەن. بۇل 2018 جىلمەن سالىستىرعاندا 35 پايىزعا (140 013) ارتىق. الەۋمەتتىك ساۋالناما ناتيجەسى قانداي دا ءبىر كۇردەلى ماسەلەنى شەشۋ ءۇشىن ءاربىر ءتورتىنشى قا­زاق­ستاندىق «Nur Otan» پارتياسىنىڭ كومەگىنە جۇگىنەتىنىن ايتقان. ءوتىنىش-تىلەكتەر مەن ارىز-شاعىمداردىڭ 21 پايىزى (45,1 مىڭ) پارتيانىڭ ارقاسىندا وڭ شەشىمىن تاپسا، قالعان 76 پايىزىنا (163,5 مىڭ) ءتۇسىندىرۋ جۇ­مىستارى جۇرگىزىلگەن. ال ناۋقاندار، تا­قىرىپتىق جانە كوشپەلى قابىلداۋلار كە­زىندە پارتياعا 58 مىڭ ازامات ءوتىنىش ءبىل­دىرىپتى. پارتيانىڭ Call-ورتالىعىنا جالپى سانى 23 مىڭعا جۋىق قوڭىراۋ كەلىپ تۇسكەن. سۇرانىستىڭ كوپشىلىگى رەسپۋبليكالىق قو­عامدىق قابىلداۋ بولمەسىنە تيەسىلى – 9,3 مىڭ (11%). بۇگىندە پارتيانىڭ تۇراقتى جاق­تاستارىنىڭ سانى – 2 ملن.

پارتيانىڭ قوعامدىق قابىلداۋى 4 ءبو­لىمنەن تۇرادى: بىرىڭعاي ۇيلەستىرۋشى ور­تالىق، Call-ورتالىق، تۇرعىندارمەن جانە الەۋ­مەتتىك جەلىلەرمەن جۇمىس ىستەيتىن ءبو­لىمدەر. ورتالىقتا ءاربىر وپەراتور ورتا ەسەپپەن كۇن سايىن 120 قوڭىراۋ قابىلداسا، كونسۋلتانتتار ءار مينۋت سايىن «حالىققا كومەك» جوباسى اياسىندا الەۋمەتتىك جەلى­لەر­دە سۇراقتارعا جاۋاپ بەرەدى. ال ەلىمىز بويىن­شا كۇنىنە 500 ادام «Nur Otan» پار­تياسىنىڭ كومەگىنە جۇگىنەدى ەكەن.

كوروناۆيرۋس ىندەتىنە بايلانىستى كا­رانتين رەجيمى ەنگىزىلگەلى بەرگى ۋاقىتتا پارتيانىڭ قوعامدىق قابىلداۋلارىنىڭ ون­لاين رەجيمدەگى جۇمىسى دا جانداندى. «Nur Otan» پارتياسىنا WhatsApp مەسسەند­جەرى ارقىلى جولدانعان ونلاين ءوتىنىش­تەردىڭ سانى 13 ەسە، الەۋمەتتىك جەلىلەر ار­قى­لى كومەك سۇراۋشىلار قاتارى 8 ەسە، Call-ورتالىقتارعا حابارلاسۋشىلار سانى 3 ەسەگە دەيىن كوبەيگەن. كومەك سۇراۋشى حالىق سا­نىنىڭ ارتۋىنا قاراماستان، پارتيا جول­دانعان وتىنىشتەر مەن تالاپ-تىلەكتەردىڭ ەش­بىرىن نازاردان تىس قالدىرماي كەلەدى.

ارىسقا كومەك

بۇكىل حالىقتى الاڭداتقان اۋىر وقيعا ارىستاعى جارىلىس ءالى كۇنگە دەيىن حالىق­تىڭ ەسىندە. سىن ساعاتتا پارتيا توراعا­سى­نىڭ ءبىرىنشى ورىنباسارى باۋىرجان بايبەك ارىستاعى اپاتتىڭ زاردابىن جويۋ جۇمىس­تارى­مەن تانىسقان بولاتىن. قيىن ساتتە «Nur Otan» پارتياسى اپات سالدارىنان زار­داپ شەككەن تۇرعىندارعا گۋمانيتارلىق كو­مەكتى جىبەرۋ جۇمىستارىن جۇيەلى تۇردە ءجۇر­گىزدى. توتەنشە جاعداي ورىن العان كۇن­نەن باستاپ «ارىس، ءبىز بىرگەمىز!» جال­پىۇلت­تىق اكتسياسى قولعا الىندى. پارتيانىڭ 17 ايماقتىق جانە 1 اۋماقتىق فيليالىنىڭ بازا­سىندا گۋمانيتارلىق كومەك قابىل­دايتىن ورتالىقتار اشىلىپ، ايماققا ارنايى اۆتوكەرۋەندەر جونەلتىلدى. پارتيا جينالعان گۋمانيتارلىق كومەكتىڭ مۇقتاج جاندارعا جەتۋىن ءجىتى قاداعالادى.

سونداي-اق ارىستىقتارعا كومەك رەتىندە پار­تيانىڭ ورتالىق اپپاراتى، بارلىق اي­ماقتىق جانە اۋماقتىق فيليالىنىڭ قىز­مەتكەرلەرى ءبىر كۇندىك جالاقىلارىن اۋ­داردى. پارتيا جانىنداعى بالالار قۇقى­عىن قورعاۋ جونىندەگى رەسپۋبليكالىق كەڭەس­تىڭ بىلىكتى ماماندارى زارداپ شەككەن كوپ­بالالى وتباسىلارعا پسيحولوگيالىق قولداۋ كورسەتىپ، بالالارىنىڭ جازعى دە­مالىسىن ۇيىمداستىرۋ ءۇشىن ايماقتا كوپ­تەگەن جۇمىس اتقارعان بولاتىن.

ايماقتاعى ۇلگىلى ىستەر

باۋىرجان بايبەك جۇمىس ساپارىمەن ەلىمىزدىڭ بىرقاتار ايماعىن ارالادى. بيىل قاڭ­تار ايىندا توراعا ورىنباسارى ءوڭىردىڭ جاي-كۇيىمەن تانىسىپ، قاراپايىم تۇرعىن­دار­مەن كەزدەسۋ ارقىلى جەرگىلىكتى تۇرعىن­داردى تولعاندىرىپ جۇرگەن ناقتى ماسە­لە­لەردى انىقتاپ، سولاردى شەشۋگە اتسالىسۋ ماق­ساتىندا اتىراۋ جۇرتشىلىعىمەن كەز­دە­سىپ، ماقات، جىلىوي اۋدانى تۇرعىن­دارى­نىڭ ءوتىنىشىن تىڭداعان بولاتىن.

وتكەن جىلدىڭ سوڭىندا جەرگىلىكتى باق-تا تەمىرجول ارقىلى وتەتىن جاياۋ ءجۇر­گىن­شىلەر كوپىرىن سالۋ جايىندا ماسەلە كو­تەرىلگەن بولاتىن. ماقات اۋدانىنا قاراستى دوسسور كەنتى تەمىرجولدىڭ ەكى قاپتالىندا ور­نالاسقان. اكىمدىك، مەكتەپ، بالاباقشا كەنت­تىڭ تەرىسكەيىندە ورنالاسسا، ال ءوڭتۇس­تىگىنە 200-دەن استام وتباسى بار «ىنتىماق» اۋى­لى قونىستانعان. تەمىرجولدان ءوتۋ جەر­گىلىكتى تۇرعىندار ءۇشىن وزەكتى ماسەلە بو­لاتىن.

بۇگىندە وبلىستىق جانە جەرگىلىكتى بيلىك وكىلدەرى الدىن الا ەسەپتەر جۇرگىزىپ، كوپىر قۇرى­لىسى ءۇشىن جوبالاۋ سمەتالىق قۇجات­تاردى ازىرلەۋگە قاراجات ءبولۋ قاراستىرىل­عان. ونىڭ قۇرىلىسىن 2021 جىلدىڭ ەكىنشى جارتىجىلدىعىندا اياقتاۋ جوسپارلانىپ وتىر. ساپار بارىسىندا باۋىرجان بايبەك نىسان قۇرىلىسىنىڭ ۋاقىتىندا اياق­تالۋىن باقىلاۋعا الۋدى تاپسىردى. سونى­مەن قاتار كوشە جارىعى، جول ساپاسى سەكىلدى بىرقا­تار ماسەلەلەر دە كوتەرىلدى، توراعا ورىن­باسارى ونىڭ بارلىعى پارتيا نا­زا­رىن­دا بولىپ، شەشىمىن تاباتىنىن جەتكىزدى.

باۋىرجان بايبەك وسى جۇمىس ساپارى با­رىسىندا باستاۋىش ۇيىم جانىنداعى ق­و­عامدىق قابىلداۋدا بىرنەشە ازاماتتى قا­بىلداپ، كەنت تۇرعىندارىنىڭ ءوتىنىش­تەرىن، كوتەرگەن ماسەلەلەرى مەن ۇسىنىس­تارىن تىڭدادى.

سونىمەن قاتار بيىل اۋرۋحانانىڭ جىلۋ جۇيەسىنە جوندەۋ جۇرگىزىلەتىنى اي­تىلىپ، اۋدان تۇرعىندارىن قوسىمشا جەدەل مە­ديتسينالىق كومەك بريگاداسىمەن قامتا­ماسىز ەتۋ ماسەلەسى بويىنشا وبلىستىق دەنساۋلىق ساقتاۋ باسقارماسىمەن بىرگە ونى ورىنداۋدىڭ ناقتى مەرزىمى بەلگىلەندى.

ءبىلىم، ۇرپاق تاربيەسى – قاشاندا پار­تيانىڭ ەرەكشە نازار اۋداراتىن سالالارى.  پارتيا توراعاسىنىڭ ورىنباسارى وبلىس_تاعى ءۇش اۋىسىمدى جانە اپاتتىق مەك­تەپ­تەردى جويۋ ءۇشىن بەس جىلعا ارنالعان ءىس-شا­رالار جوسپارى ازىرلەنگەنىن، ايتىلعان ۇسىنىستار جاقىن اراداعى بەسجىلدىقتا ءوز شەشىمىن تاباتىنىن جەتكىزدى.

سونداي-اق تۇرعىندار كەزدەسۋ بارى­سىندا جول جوندەۋگە جانە ينجەنەرلىك ينفراقۇرىلىمدارعا قاتىستى وزگە دە وزەك­تى ماسەلەلەردى كوتەردى. ايتىلعان ماسە­لە­لەردى شەشۋ پارتيالىق باقىلاۋعا الىناتىن بولدى.

بيىل كوكتەمدە جامبىل وبلىسىنا جا­ساعان ساپارى بارىسىندا باۋىرجان بايبەك جۋالى، ماسانچي، وتەگەن جانە قورداي اۋدان­دارىنا ات باسىن تىرەدى. قوردايدا ورىن العان قازاق پەن دۇنعان اراسىنداعى قاق­­تىعىستىڭ ۇلتتار اراسىنا سىزات ءتۇسىر­مەۋى قاجەتتىگىن ايتقان پارتيا توراعا­سىنىڭ ورىنباسارى: «ورىن العان وقيعا تەك حالىقتىڭ اۋىزبىرشىلىگى مەن قوعامدىق كەلىسىم عانا ەلىمىزدىڭ ءوسىپ-وركەندەۋى مەن تابىستى دامۋىنىڭ نەگىزگى كەپىلى ەكەنىن تا­عى ءبىر رەت ەسىمىزگە سالدى. قورداي اۋدانى­نا ارنايى كەلگەن ساپارىندا مەملەكەت باسشىسى قاسىم-جومارت توقاەۆ ايتقانداي، «قازاقستان – دوستىقتىڭ، بەيبىتشىلىك پەن كە­لىسىمنىڭ، سونداي-اق بارلىق ەتنوستىق توپ­تاردىڭ ورتاق وتانى. ەلىمىز ءتۇرلى تا­ريحي جاعدايلارعا بايلانىستى قيىن-قىستاۋ زاماندا ءماجبۇرلى تۇردە قازاق جەرىن پانالاپ كەلگەن حالىقتىڭ ءبارىن قۇشاق جايا قارسى الدى. ءبىز ءبىرتۇتاس ۇلت رەتىندە وسى وتكەن كۇندەردەن ساباق الۋىمىز كەرەك. ەڭ باستىسى، بولاشاقتا مۇنداي قايعىلى جاع­دايلاردىڭ قايتالانباۋى ءۇشىن قولدان كەلگەننىڭ ءبارىن جاساۋىمىز قاجەت»، – دەگەن بولاتىن كوپشىلىكپەن كەزدەسۋ بارىسىندا.

وسى ساپار بارىسىندا جەرگىلىكتى تۇر­عىن­دار اۋداندا گازداندىرۋ، سۋمەن قامتۋ، مەكتەپكە دەيىنگى مەكەمەلەر مەن مەكتەپ قۇرىلىسى ءتارىزدى دۇنيەلەر الاڭداتاتىنىن جەت­كىزدى. پارتيا توراعاسىنىڭ ورىنباسارى ءوز كەزەگىندە بۇل ماسەلەلەردىڭ بارلىعىن «Nur Otan» پارتياسى ءوز باقىلاۋىنا الاتى­نىن ايتتى.

BIRGEMIZ

ەلىمىزدە ۆيرۋسقا بايلانىستى جاريا­لانعان توتەنشە جاعداي رەجيمى مەن كاران­تين حالىقتىڭ الەۋمەتتىك وسال  توپتارىنا اۋىر سوققى بولىپ ءتيدى. «پاندەميانىڭ سال­دارىنان تۋىنداعان اۋقىمدى داعدارىس جاع­دايىندا، ەڭ الدىمەن، قاراپايىم ازاماتتار كومەككە مۇقتاج. بۇۇ ۇسىنىم­دارىنا سايكەس، بۇگىندە ەلدەر «قوعامنىڭ ەڭ قورعانسىز مۇشەلەرىنە» ناقتى قولداۋ كور­سەتۋگە جۇمىلعانى ءجون. ءبىر جاعىنان، بۇل داعدارىستى ەڭسەرۋگە كومەك بەرسە، ەكىنشى جاعىنان – قۇلدىراپ بارا جاتقان ىشكى سۇرا­نىستى، ۇلتتىق ەكونوميكالاردى قول­دايدى»، – دەدى باۋىرجان بايبەك.

ەلباسى، «Nur Otan» پارتياسىنىڭ ءتورا­عا­سى نۇرسۇلتان نازارباەۆتىڭ باستا­ماسى­مەن قۇرىلعان Birgemiz قورى پاندەميا كە­زىندە قورعانىسى ءالسىز ازاماتتارعا اتاۋ­لى كومەك كورسەتۋدى قولعا العان بولاتىن.

ەلباسىنىڭ ۇندەۋىن قولداعان مەتسەنات­تاردىڭ ارقاسىندا Birgemiz قورىنىڭ ەسەپ­شوتىنا 28,5 ملرد تەڭگەدەن استام قاراجات جيناقتالعان. Birgemiz قورىنىڭ بىرجولعى قارجىلىق قولداۋىنا 550 مىڭنان استام وتباسى يە بولعان. بۇل وتباسى مۇشەلەرىن قوسا ەسەپتەگەندە – 2 ميلليونداي قازاق­ستان­دىق.

«Nur Otan» پارتياسى مەن تۇڭعىش پرە­زيدەنت قورى جەلىسى بويىنشا 300 مىڭداي وتباسى ازىق-تۇلىك سەبەتىن الدى. بۇل ىسكە «Jas Otan» جاستار قاناتىنىڭ 5 مىڭنان استام ەرىكتىلەرى قاتىستى. سونىمەن بىرگە تۇرمىسى تومەن 100 مىڭ مۇقتاج وتباسىعا 5 ميلليوننان استام تەگىن ماسكا ۇلەستىرىلدى.

«جاۋ جاعادان العاندا، ءبورى ەتەكتەن الا­دى» دەگەندەي، ەل بولىپ پاندەميا جاع­دايى­مەن كۇرەسىپ جاتقاندا ماقتاارال اۋدا­نىنىڭ بىرنەشە اۋىلىن ءبىر تۇندە سۋ الىپ، حالىق ابىر-سابىر بولدى. وسى جاعدايدا نۇروتاندىقتار تۇركىستان وبلىسىنىڭ سۋ باسقان اۋىلدارىنىڭ تۇرعىندارىنا مىڭ تون­نادان استام گۋمانيتارلىق كومەك ءجو­نەلتتى. شىلدە ايىندا دوستىق اۋىلىنىڭ تاس­قىننان زارداپ شەككەن تۇرعىندارىنا ار­نالعان ۇيلەر سالىنىپ بىتەدى دەپ جوس­پارلانىپ وتىر.

حالىقتىڭ كۇرمەۋلى ماسەلەسىن شەشىپ، العىس ارقالاعان پارتيالىقتاردىڭ كەز كەلگەن باستاماسى الداعى ۋاقىتتا دا ءساتتى ءجۇ­زەگە اسادى دەگەن ويدامىز. ويتكەنى پار­تيانىڭ ءبىرىنشى مىندەتى – حالىقتىڭ مۇڭىن مۇڭداپ، ءسوزىن ايتىپ، قوعامداعى كۇردەلى ماسەلەنى بىرىگىپ شەشۋگە جەتەكشى بولۋ.

 

سوڭعى جاڭالىقتار