9 شىلدە, 14:41 463 0 ىشكى ساياسات انار لەپەسوۆا

دۇكەن ءماسىمحانۇلى: بەرەكە-بىرلىگىمىز مىعىم بولسىن!

مەملەكەت باسشىسى قاسىم-جومارت كەمەلۇلى ەلىمىزدە قالىپتاسقان احۋالعا بايلانىستى ارنايى ۇندەۋ جاريالادى.

ق.توقاەۆ بۇكىل دۇنيەجۇزى بويىنشا جاعدايدىڭ وتە كۇردەلى كۇيىندە قالىپ وتىرعانىن مالىمدەدى. الەم بويىنشا وسى ۆيرۋستى جۇقتىرعانداردىڭ سانى شامامەن 12 ميلليونعا جەتكەن بولسا، قايتىس بولعانداردىڭ سانى 500 مىڭنان اسىپ كەتكەن.

سول سەبەپتى، بىرقاتار ەلدەردە كارانتين ءتارتىبى قايتا كۇشەيتىلىپ، اۋە، كولىك قاتىناسى قايتادان شەكتەلگەن

"وكىنىشكە قاراي، ءبىزدىڭ ەلدەگى جاعداي دا وڭاي بولىپ تۇرماعانىن" مەملەكەت باسشىسى اشىق ايتتى.

مەملەكەتتىك كوميسسيانىڭ شەشىمىمەن 5 شىلدەدەن باستاپ ەلىمىزدە ەكى اپتالىق مەرزىمگە كارانتين شارالارى ەنگىزىلدى.

وسىعان وراي پرەزيدەنت "بارلىق ازاماتتاردى تاعى دا كارانتين ەرەجەلەرىن قاتاڭ ساقتاۋعا شاقىرامىن. ىندەتپەن كۇرەستىڭ ناتيجەلى بولۋى، ەڭ الدىمەن، بارشا جۇرتتىڭ سانالى ارەكەتى مەن جاۋاپكەرشىلىگىنە بايلانىستى" ەكەندىگىنە باسا نازار اۋداردى.

سونىمەن بىرگە قاسىم-جومارت كەمەلۇلى: «ءار قازاق – مەنىڭ جالعىزىم» دەگەندەي، ءار ازاماتىمىزدىڭ قازاسى مەنىڭ جۇرەگىمە قاتتى باتادى. مىناۋ الاپات ىندەت ارامىزدان تالاي اسىلدارىمىزدى جۇلىپ اكەتۋدە.
بۇگىندە قارا جامىلىپ وتىرعان ازاماتتاردىڭ قايعىلارىنا ورتاقتاسىپ، كوڭىل ايتامىن" - دەي كەلىپ، 13 شىلدەنى – ۇلتتىق ازا تۇتۋ كۇنى دەپ جاريالادى.

قادىرلى اعايىندار!
اسىرەسە پرەزيدەنتتىڭ ۇندەۋىندەگى مىنا جۇرەكجاردى لەبىزىنە ەل بولىپ، جۇرت بولىپ، شىنايى قۇلاق اساتىن شەشۋشى كەزەڭگە جەتتىك دەپ ويلايمىن:

ء"بىز – تالاي زوبالاڭ مەن سىناقتى باستان وتكەرگەن، تاريحتىڭ تالاي داۋىلىنا بوي بەرمەگەن حالىقپىز.

باتىر بابالاردىڭ جولىن جالعاعان بۇگىنگى ۇرپاق تا قازىرگى قيىندىققا توتەپ بەرەدى دەپ سەنەمىن.

بالكىم، بۇل ءبىزدىڭ بىرلىگىمىزدى بايقاۋ ءۇشىن بەرىلگەن سىناق شىعار"...

ءيا، قادىرلى حالقىم!
سوڭعى كەزدەرى جۇرەك سىزداتار قارالى حاباردان فب بەلى قايىسىپ، جىلاعان كوز جاسىمەن شىلانىپ تۇر.... جاسىرارى جوق، وتە وكىنىشتى عانا ەمەس، وتە قورقىنىشتى جاعداي...
ەندى شىن ويلانىپ، شىن ساقتانىپ، شىن كىرىسە بىلسەك، پرەزيدەنت ايتقانداي، ء"بىر جەڭنەن قول، ءبىر جاعادان باس شىعارىپ، ۇيىمداسا بىلسەك، بۇل سىننان دا وتەمىز".
بەرەكە-بىرلىگىمىز مىعىم، تىرلىگىمىز تاس-ءتۇيىن بولسىن باۋىرلار!!!
بۇل مەنىڭ سىزدەردەن ءوتىنىشىم....

سوڭعى جاڭالىقتار