9 شىلدە, 13:27 495 0 ەكونوميكا ارايلىم بيمەنديەۆا

قازاقستاندىقتاردىڭ 80 پايىزى قارجىلىق تۇرعىدا ساۋاتتى

Freedom Finance life كومپانياسى سوڭعى 6 جىل ىشىندە ەلىمىزدە جانە الەمدە قارجىلىق ساۋاتتىلىق كورسەتكىشى قالاي وزگەردى، قارجى تۋرالى ءبىلىم الۋ قۇنى قانشا جانە ازاماتتاردىڭ تۇرمىسىن جاقسارتۋ ءۇشىن نە قاجەت دەگەن ماسەلەلەردى زەرتتەدى.

حالىقارالىق ەكونوميكالىق ىنتىماقتاستىق جانە دامۋ ۇيىمىنىڭ (OECD) 2018 جىلعى ستاتيستيكاسى بويىنشا، قازاقستاندىقتاردىڭ قارجىلىق ساۋاتتىلىعىنىڭ دەڭگەيى  36%-دى قۇراعان. بۇل جەردە قارجىلىق قىزمەت كورسەتۋ ءبىلىمى مەن ماشىقتارى، جەكە كاپيتالدى باسقارۋ شەبەرلىگى، سونداي-اق، تۇتىنۋشىلاردىڭ قارجى جۇيەسى تۋرالى حاباردار بولۋى باستى ەسەپكە الىنعان.

قارجى نارىعىن رەتتەۋ جانە دامىتۋ اگەنتتىگىنىڭ جۇرگىزگەن ونلاين-ساۋالناماسىنا سايكەس، قازىرگى ساتتە ەلىمىزدەگى قارجىلىق ساۋاتتىلىعىنىڭ ورتاشا كورسەتكىشى 80%-عا جەتكەن. زەرتتەۋگە 20 جاسقا تولعان جانە ودان ۇلكەن 25 019 ادام قاتىسقان. رەسپوندەنتتەر كوپشىلىگىن ەر ادامدار قۇراعان - 87% (22 179), ال قالعاندارى -7 % (1 717) ايەل ادامدار.

زەرتتەۋ بارىسىندا جاۋاپ العانداردىڭ 89%-ى جەكە نەمەسە وتباسى بيۋدجەتىن جۇرگىزەتىنىن ايتقان. رەسپوندەتتەردىڭ 88%-ى تۇتىنۋشى رەتىندە قارجىلىق قىزمەت كورسەتۋ قۇقىعى شەكتەلسە قايدا جۇگىنۋدى بىلەدى، ال 7%-ى مۇنداي اقپاراتتان بەيمالىم ەكەنىن جەتكىزگەن.

OECD مالىمەتتەرى بويىنشا، 2018 جىلى حالىقتىڭ قارجىلىق ساۋاتتىلىعىن زەرتتەۋگە قاتىسقان تمد ەلدەرى ىشىندە: تاجىكستان (10%), قىرعىزستان (17%), ءازىربايجان (23%), ارمەنيا (27%), قازاقستان (41%), بەلارۋس (44%) جانە رەسەي فەدەراتسياسى (45%).

تاپ سول كەزدە، شەتەلدىك اقپاراتتىق پورتالى HowMuch ءوز زەرتتەۋىن جۇرگىزدى. قارجىلىق ساۋاتتىلىق بويىنشا الداعى ەلدەر توبىنا كىرگەندەر - دانيا (71%), نورۆەگيا (71%), شۆەتسيا (71%), كانادا (68%), يزرايل (68%), ۇلىبريتانيا (67%), گەرمانيا (66%), نيدەرلاندى (66%), اۆستراليا (64%) جانە فينليانديا (63%).

سوڭعى جاڭالىقتار