9 شىلدە, 12:18 477 0 جاڭالىقتار ارايلىم بيمەنديەۆا

وتكەن تاۋلىكتە كوروناۆيرۋستان 988 ادام ەمدەلىپ شىقتى

الەم ەلدەرى كوروناۆيرۋسپەن كۇرەسۋدى قارقىندى تۇردە جالعاستىرىپ كەلەدى. ءارتۇرلى ەلدەردەگى كوروناۆيرۋس ىندەتىنىڭ شارىقتاۋ شەگى جايىندا سالىستىرمالى كەستەگە نازار اۋدارساق، ۆيرۋستى ەڭ كوپ جۇقتىرعاندار سانى اقش-تا تىركەلگەن. وندا 100 مىڭ ادامعا شاققاندا 935,8 ادامنان كوروناۆيرۋس انىقتالعان. ال قايتىس بولعاندار سانى – 133 911.

كەستەدە قازاقستانداعى ىندەتتىڭ شارىقتاۋ شەگى ماۋسىم ايىنىڭ ەكىنشى ون كۇندىگى دەپ كورسەتىلگەن. ەلىمىزدە ۆيرۋس جۇقتىرعاندار سانى 100 مىڭ ادامعا شاققاندا 273, ال قايتىس بولعاندار سانى 100 مىڭ ادامعا شاققاندا 1,4 ادامدى قۇرايدى. ۆيرۋستىڭ شارىقتاۋ شەگى ءالى جالعاسىپ كەلە جاتقان ەلدەر اراسىندا برازيليا، رەسەي، قازاقستان، مەكسيكا مەن ءۇندىستان بار.

ەلىمىزدە سوڭعى ءبىر تاۋلىكتە 2 مىڭعا جۋىق ادامنان كوروناۆيرۋس انىقتالدى. ال وتكەن تاۋلىكتە كوروناۆيرۋس ىندەتىنەن ەمدەلىپ شىققاندار سانى – 988 ادام.

«قازاقستاندا وتكەن تاۋلىكتە 1 962 ادام كوروناۆيرۋس ىندەتىمەن اۋىرعانى بەلگىلى بولدى. ونىڭ ىشىندە 1 209 ادام كلينيكالىق بەلگىلەرى جوق تاسىمالداۋشى رەتىندە تىركەلدى» دەپ حابارلاندى رەسمي اقپاراتتا.

جالپى، ەل بويىنشا ىندەتتى جۇقتىرعاندار سانى – 53 021. ونىڭ ىشىندە 34 149 ادام جازىلىپ شىقتى،  قايتىس بولعاندارى سانى – 264 ادام.

سوڭعى جاڭالىقتار