9 شىلدە, 11:31 1450 0 دەنساۋلىق انار لەپەسوۆا

دانا نۇرجىگىتوۆا: ىندەتپەن كۇرەستە ءدال قازىر كەرەگى – ۇرەيگە بەرىلمەۋ

ناۋرىز ايىندا جاريالانعان توتەنشە جاعداي مەن العاشقى كارانتين ىندەتكە قارسى شارالاردى شۇعىل قولعا الىپ، شەت ەلدىك تاجىريبەلەردى ەسكەرىپ، كوزگە كورىنبەس جاۋدى جاۋدى ساقاداي ساي وتىرىپ قارسى الۋعا كەرەكتى التىن ۋاقىت ەدى. وكىنىشكە قاراي، بۇگىنگى جاعداي وتاندىق دەنساۋلىق ساقتاۋ جۇيەسى بەرىلگەن ۋاقىتتى ءتيىمدى پايدالانا الماعانىن كورسەتىپ وتىر. پرەزيدەنت ىندەتتىڭ العاشقى كۇنىنەن باستاپ ەڭ اۋىر ستسەناريگە دايىن وتىرۋىمىز كەرەك دەمەدى مە؟!

ياعني، ءبىرىنشى كارانتيننەن كەيىن حالىق قاۋىپتىڭ سەيىلمەگەنىن ەسكەرمەيتىنى، اۋرۋحاناداعى ورىنداردىڭ جەتىسپەۋى، الىپ-ساتارلاردىڭ كوبەيۋى، حالىقتىڭ پسيحولوگيالىق اۋىر جاعدايعا ءتۇسۋى، ءدارى-دارمەكتىڭ جەتىسپەي قالۋى، جاڭا ۆيرۋستىڭ ەمدەۋ حاتتاماسى رەسمي تۇردە وزگەرىپ تۇرعانى ەمدىك شارالاردىڭ بىرىزدىلىككە بىردەن تۇسپەۋى، حالىق وزدىگىنەن ەم ىزدەي باستاۋى دەنساۋلىق جۇيەسىندەگى ۇيلەستىرۋ جۇمىسىنىڭ ماماندارىنىڭ الدىن-الا زەرتتەلەتىن جۇمىستارى ەدى عوي! جوسپارلاۋ، ۇيىمداستىرۋ، باقىلاۋ مەن ىنتالاندىرۋ-مەنەدجەردىڭ مىزعىمايتىن ءتورت قاعيداتى. وسىنىڭ بارلىعىنا بۇگىن پرەزيدەنت ءتيىستى باعاسىن بەرىپ، بۇل جاعدايدان ساباق الامىز، دەدى.

قاھارىنا مىنگەن ىندەتپەن كۇرەستە ءدال قازىر كەرەگى - ۇرەيگە بەرىلمەۋ! كۇرەستى توقتاتپاۋ! شىلدەنىڭ باسىندا سانى 400 عانا بولعان امبەباپ ءموبيلدى  امبەباپ توپتاردىڭ سانى اي سوڭىندا 3,5 مىڭعا دەيىن جەتكىزىلەدى. پتر تەست تاپسىرۋ ورتالىقتارى  تاۋلىگىنە 40  مىڭعا دەيىن ساراپتاما جاسايتىن بولادى. دارىحانالارعا پاراتسەتامول، انتيبيوتيكتەر سىندى قاجەتتى مەديكامەنتتەر جەتكىزىلەدى. دارىگەرلەر اقپاراتتىق جۇمىستى كۇشەيتەتىن بولادى. ىندەتپەن كۇرەسكە ءبولىنىپ جاتقان قاراجات ۇزدىكسىز، ءجىتى باقىلاۋعا الىنادى. حالىق قينالىپ جاتقاندا ەسەبىن تۇگەندەپ جانتالاسقان ارسىزداردىڭ جولى كەسىلەدى!

قاسىم-جومارت كەمەلۇلى سابىر ادايدىڭ «ءار قازاق مەنىڭ جالعىزىم» دەگەن ءبىر اۋىز سوزىمەن بۇگىندە قارا جامىلعان ءار قازاقتىڭ شاڭىراعىنا كوڭىل ايتتى. 13 شىلدەنى ازا تۇتۋ كۇنى دەپ جاريالادى.

ىندەتپەن كۇرەسىپ جاتقان ءاربىر جانعا كۇش-قۋات بەرگەي، جاراتقان! قارا جامىلعان جۇرتقا قايعىرىپ كوڭىل ايتامىن! بەكەم بولىڭىزدار! بارلىق ساقتىق شارالارىن ورىنداپ، اباي بولايىق!

سوڭعى جاڭالىقتار