8 شىلدە, 21:27 417 0 دەنساۋلىق انار لەپەسوۆا

قازاقستاندا پتر-تەستىلەۋدەن ءوتۋ جيىلىگى تاۋلىگىنە 40 مىڭعا جەتكىزىلەدى

ەلىمىزدە الداعى ۋاقىتتا حالىقتىڭ پتر تەستىلەۋدەن ءوتۋ جيىلىگى تاۋلىگىنە 40 مىڭعا جەتكىزىلەدى. بۇل تۋرالى قازاقستاندا قالىپتاسقان احۋالعا بايلانىستى جاساعان تەلەۆيزيالىق ۇندەۋىندە مەملەكەت باسشىسى قاسىم-جومارت توقاەۆ مالىمدەدى. 

«تەستكە قولجەتىمدىلىكتى ارتتىرۋ ءۇشىن قازىرگى زەرتحانالار قوسىمشا جاراقتاندىرىلۋدا. قوسىمششا 20 پتر اناليزاتور ساتىپ الىنادى. پتر تەستىلەۋ ءۇشىن 8 ءموبيلدى ورتالىق قۇرىلادى. بۇل ورتالىقتار اۋىلداردا دا سالىنادى»، - دەدى مەملەكەت باسشىسى.

پرەزيدەنتتىڭ بۇل جۇمىستار الداعى ۋاقىتتا حالىقتىڭ پتر تەستىلەۋدەن ءوتۋ جيىلىگىن تاۋلىگىنە 40 مىڭعا جەتكىزۋگە مۇمكىندىك بەرەتىنىن اتاپ ءوتتى.

ايتا كەتەيىك، بۇعان دەيىن مەملەكەت باسشىسى ەلىمىزدە كوروناۆيرۋستىڭ ەكىنشى تولقىنىنا نە سەبەپ بولعانىن ايتتى.

سونداي-اق، پرەزيدەنت دارىگەرلەردى باق ارقىلى ازاماتتارعا ناقتى، ءبىرىزدى مالىمەت بەرۋگە شاقىردى.

مەملەكەت باسشىسىنىڭ تەلەۆيزيالىق ۇندەۋىنىڭ تولىق ءماتىنىن مىنا سىلتەمە ارقىلى وقۋعا بولادى.

 

سوڭعى جاڭالىقتار