8 شىلدە, 21:15 62448 0 دەنساۋلىق انار لەپەسوۆا

مەملەكەت باسشىسى كوروناۆيرۋستىڭ ەكىنشى تولقىنىنا نە سەبەپ بولعانىن ايتتى

پرەزيدەنت قاسىم-جومارت توقاەۆ تەلەۆيزيالىق ۇندەۋىندە ەلدە كوروناۆيرۋستىڭ جانە پنەۆمونيا دەرتىنىڭ ورشۋىنە نە سەبەپ بولعانىن ايتتى. 

«كوروناۆيرۋس قاۋپىنە بايلانىستى پاندەميا باستالعالى ءبىز ەلدەگى ۆيرۋستىڭ تارالۋىنا شەكتەۋ ءۇشىن بىردەن باتىل ءارى قاتاڭ شارالاردى قولعا الدىق. بۇل شارالار كوپتەگەن ادامنىڭ ءومىرىن ساقتاپ قالۋعا مۇمكىندىك بەردى. الايدا ازاماتتاردىڭ كارانتين شارالارىن جاپپاي ساقتاماۋىنان، دەنساۋلىق ساقتاۋ مينيسترلىگىنىڭ بۇرىنعى باسشىلىعىنىڭ جۇيەلى قاتەلىكتەرىنەن جانە اكىمدەردىڭ سىلبىرلىعىنان ءبىز كوروناۆيرۋستىڭ ەكىنشى تولقىنىمەن، پنەۆمونيانىڭ شۇعىل وسىمىمەن بەتپە-بەت كەلدىك»، - دەدى مەملەكەت باسشىسى.

ايتا كەتەيىك، بۇعان دەيىن پرەزيدەنت دارىگەرلەردى باق ارقىلى ازاماتتارعا ناقتى، ءبىرىزدى مالىمەت بەرۋگە شاقىرعان بولاتىن.

سونداي-اق، قاسىم-جومارت توقاەۆ ءوز ۇندەۋىندە 13 شىلدەنى ۇلتتىق ازا تۇتۋ كۇنى دەپ جاريالادى.

مەملەكەت باسشىسىنىڭ تەلەۆيزيالىق ۇندەۋىنىڭ تولىق ءماتىنىن مىنا سىلتەمە ارقىلى وقۋعا بولادى.

 

 

سوڭعى جاڭالىقتار