8 شىلدە, 19:35 501 0 قوعام انار لەپەسوۆا

الماتىداعى ورتالىق ءدارىحانا ديرەكتورى: كەزەكتەر بىزدە بۇرىننان بولاتىن

الماتىداعى №2 ورتالىق ءدارىحانانىڭ جەتەكشىسى ايگۇل تىلەۋبەردينا كەلۋشىلەر سانى ۇنەمى كوپ بولعانىن، پرەپاراتتار مەن دارىلەردى الۋ ءۇشىن ادامداردىڭ كوپ كەلەتىنىن ايتتى.

نازارباەۆ داڭعىلى مەن گوگول كوشەسىنىڭ قيىلىسىندا ورنالاسقان ورتالىق ءدارىحانا قالاداعى ەڭ ۇلكەنى. ءدارىحانادا رەتسەپتۋرالىق جانە رەتسەپتسىز دارىلىك قۇرالداردى، سونىمەن بىرگە مەديتسينالىق قۇرالداردى ساتاتىن كوپتەگەن بولىمدەر بار.

«بىزدە تەك پاراتسەتامول مەن ءاسپيريندى عانا ساتىپ المايدى. بىزدەگى اسسورتيمەنت تولىق. كەزەك بىزدە بۇرىننان بولاتىن. جاي كەزدىڭ وزىندە بىزدە كەزەكتەر. بۇل قالىپتى. مۇنداي جاعدايدا ءبىز ءبارىن دارىحاناعا كىرگىزە المايمىز. بەلگىلى قاشىقتىق ساقتايمىز. بىزدە ءتورت تەرەزە جۇمىس ىستەيدى، ارقايسىسىنا 5 ادامنان تۇرادى.  ەندى ساناي بەرىڭىزدەر، ونى بەسكە كوبەيتسەك 20 ادام بولادى.  بالالى كەلۋشىلەر بولسا، وندا ءبىز ولاردى كەزەكسىز كىرگىزەمىز»، - دەپ ءتۇسىندىردى ا.تىلەۋبەردينا.

ونىڭ ايتۋىنشا، تاۋارلاردىڭ ءدارىحانادا بار-جوقتىعى جەتكىزۋشىلەرگە بايلانىستى. بۇگىنگى تاڭدا پاراتسەتامول، ازيتروميتسين جانە باسقا دا جوعارى سۇرانىسقا پرەپاراتتارعا قاتىستى پروبلەما جوق.

سوڭعى جاڭالىقتار