8 شىلدە, 18:21 3274 0 ەكونوميكا انار لەپەسوۆا

42 500 تەڭگە العاندار نەسيە الا الماي ءجۇر – ۆيتسە-مينيستر جاعدايدى ءتۇسىندىردى

قارجى ۆيتسە-ءمينيسترى بەرىك شولپانقۇلوۆ 42 500 تەڭگەنى العاننان كەيىن بانكتەردەن كرەديت الا الماي جۇرگەن قازاقستاندىقتارعا كەڭەس بەردى، دەپ حابارلايدى Sputnik قازاقستان. 

"قارجى نارىعىن رەتتەۋ جانە دامىتۋ اگەنتتىگى قابىلداعان نورماتيۆتىك-قۇقىقتىق اكتىگە سايكەس، 42 500 تەڭگەنىڭ تولەمدەرى مەملەكەتتىك الەۋمەتتىك ساقتاندىرۋ قورىنان تولەندى جانە ادامنىڭ كرەديتتىك تاريحىن بۇزۋعا نەگىز بولا المايدى. سوندىقتان بانك وسى سەبەپكە بايلانىستى كرەديت بەرۋدەن باس تارتسا، كەز كەلگەن ادام قۇزىرەتتى ورگانعا شاعىم تۇسىرە الادى", - دەدى شولپانقۇلوۆ بۇگىنگى ونلاين بريفينگتە.

ايتا كەتەيىك، توتەنشە جاعداي كەزىندە جۇمىسسىز قالعان ازاماتتارعا 42 500 تەڭگەدەن بەرىلگەن بولاتىن. سول كەزدە 8 ميلليوننان استام ادام ءوتىنىش جولداعان. ولاردىڭ ىشىندە 4 ميلليون 607 مىڭ ادام تولەمدى الدى. مەملەكەتتىك الەۋمەتتىك ساقتاندىرۋ قورىنان بارلىعى 322 ميلليارد تەڭگە بولىنگەن بولاتىن.

ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆتىڭ ايتۋىنشا، قوردىڭ قارجىلىق مۇمكىندىگى شەكتەۋلى. سوندىقتان ەكى اپتالىق كارانتين كەزىندە 42 500 تەڭگەنى تولەۋ جوسپارى جوق.

 

سوڭعى جاڭالىقتار