8 شىلدە, 10:06 462 0 نۇر وتان انار لەپەسوۆا

Birgemiz: الاكول اۋدانىنا 2 جەدەل جاردەم كولىگى بەرىلدى

استانا كۇنىن ايماقتار دا اتاپ ءوتتى. مەيرامدا الماتى وبلىسىنا قاراستى الاكول اۋدانىنا 2 جەدەل جاردەم كولىگىنىڭ كىلتى تابىستالدى.

شارا بارىسىندا «Nur Otan» قاتارىنا كىرگەن ءبىر توپ جاسقا پارتيا بيلەتى تابىستالىپ، ءبىر ەرىكتى «حالىق العىسى» ءتوس بەلگىسىمەن ماراپاتتالدى، دەپ حابارلايدى "استانا" ارناسى.

سالتاناتتى شاراعا وبلىس اكىمىنىڭ ورىنباسارى باتىرجان بايجۇمانوۆ پەن وبلىستىق پارتيا فيليالىنىڭ ءبىرىنشى ورىنباسارى جانبولات جورگەنباەۆ قاتىستى.

"Birgemiz قورىنىڭ اتىنان ءبىزدىڭ جەتىسۋ وڭىرىنە 40 مىڭنان استام ادامعا 2 ملرد.تان استام قاراجات ءتورت تولقىنمەن ءبولىندى. بۇل جەردە ءبىزدىڭ بارلىق قالا، اۋداندارىمىز قامتىلدى. جەتى ساناتتاعى مۇحتاج ادامدارعا ءتىزىم جاسالىنىپ، سولاردىڭ بارلىعىنا اتالعان قاراجات تولىعىمەن تاراتىلىپ بەرىلدى", - دەيدى «Nur Otan» پارتياسىنىڭ الماتى وبلىستىق فيليالى توراعاسىنىڭ ءبىرىنشى ورىنباسارى جانبولات جورگەنباەۆ.

ال، تالدىقورعانداعى وبلىستىق اۋرۋحاناعا سۋ جاڭا رەانوموبيل بەرىلدى. ول، جەرگىلىكتى كاسىپكەرلەر كومەگىمەن الىنعان. قاپشاعايداعى ورتالىق اۋرۋحاناعا بولسا، كولىكپەن بىرگە قۇنى 8 ملن. تەڭگەلىك 1900 ەكسپرەسس تەست تابىستالدى. ال، ەڭبەكشىقازاق اۋدانىندىق اۋرۋحاناسىنا بولسا 53 ملن. تەڭگەلىك جىلجىمالى زەرتحانا ساتىپ الىندى.

سوڭعى جاڭالىقتار