4 شىلدە, 19:03 411 0 جاڭالىقتار اسىل تۇمار

استانا كۇنىن مەرەكەلەۋ قارساڭىندا الماتىدا بىرقاتار نىساندار ىسكە قوسىلادى

ولاردىڭ اراسىندا جايلى، جوعارى تەحنولوگيالىق «ميپو» جشس  مەديتسينالىق ورتالىعى بار. بۇگىنگى تاڭدا ەپيدەميولوگيالىق جاعدايدى تۇراقتاندىرۋ ماقساتىندا قالا اكىمشىلىگى تاراپىنان تۇرعىندارعا جاقىن ماڭدا ورنالاسقان مەديتسينالىق قىزمەت كورسەتۋ بويىنشا قارقىندى جۇمىستار جۇرگىزىلۋدە.

«ميپو» مەديتسينالىق ورتالىعى 100 كەلۋشىگە ارنالعان، سونىمەن قاتار وڭالتۋعا ارنالعان 40 ورىن بار. ورتالىقتا 80 مەديتسينا قىزمەتكەرى جۇمىس ىستەيدى، ولاردىڭ جۇمىستارىنا قاجەتتى جاعدايلار جاسالعان.

سوڭعى بەس جىلدا الماتىداعى امبۋلاتوريالىق-ەمحانالىق ۇيىمداردىڭ جوسپارلى دامۋ قۋاتتىلىعى 7,4% ارتتى. سونىمەن بىرگە، قالا حالقى وسى مەرزىم ىشىندە 13% -عا ءوستى. جاقىن ماڭداعى مەديتسينالىق مەكەمەلەردىڭ كومەگىنە قول جەتىمدىلىكتى قامتاماسىز ەتۋ ءۇشىن گەوگرافيالىق اقپاراتتىق جۇيە جاسالىپ، ەنگىزىلگەن. الىنعان مالىمەتتەر نەگىزىندە دارىگەرلىك امبۋلاتوريالاردى اشۋ قاجەتتىلىگى بار جەرلەر انىقتالدى. 2019 جىلدان 2021 جىلعا دەيىن 35 دارىگەرلىك امبۋلاتوريا اشۋ جوسپارى جاسالدى. 2019 جىلى 11 دارىگەرلىك امبۋلاتوريا اشىلدى (1-ءۋى جەرگىلىكتى بيۋدجەت ەسەبىنەن سالىندى).

سونداي-اق، «جاڭا الماتى» كەشەندى جوسپارى اياسىندا الداعى 5 جىل ىشىندە 1 ميلليوننان استام تۇرعىنعا ارنالىپ جاقىن ماڭدا قولجەتىمدى بولاتىن  قوسىمشا 19 مەديتسينالىق نىسان سالىنادى.

سونىمەن قاتار، الماتىدا استانا كۇنى قارساڭىندا شاعىن جانە ورتا بيزنەستىڭ (شوب) بىرقاتار نىساندارىن ىسكە قوسۋ جوسپارلانۋدا. ولاردىڭ قۇرىلىسى بارىسىندا قوسىمشا جۇمىس ورىندارى قۇرىلدى.

«بايساقالوۆ» جك بيزنەس-ورتالىعى

قالادا بيزنەس ورتالىعى، ەكى مەيرامحانا، 18 بولمەلى «جۇلدىز» قوناق ءۇيى، «اباي كوشەسىندەگى ءۇي» تۇرعىن ءۇي كەشەنىندە ەلەكترونيكا دۇكەنى، ءۇش «Magnum Cash & Carry» بولشەك ساۋدا گيپەرماركەتى، «Louvre ball room» بانكەت زالى  جانە مەرەكەلىك «شاح سارايى» زالىنىڭ اشىلۋى جوسپارلانۋدا. قوسىمشا جاڭا تسيفرلىق فورماتتاعى فيتنەس-ورتالىق پەن «اباي كوشەسىندەگى ءۇي» تك-دە كوۆوركينگ ورتالىعىنىڭ اشىلۋى جوسپارلانۋدا. سونداي-اق، ياليان-2 بازارىن جاڭارتۋ ماقساتىندا قۇرىلىس-مونتاج جۇمىستارى جۇرگىزىلدى.

Y-FITNESS سپورتكەشەنى، YF Baby school

ەسكە سالا كەتەيىك، الماتى قالاسىنىڭ اكىمى باقىتجان ساعىنتاەۆتىڭ باستاماسىمەن كاسىپكەرلىكتى  دامىتۋدىڭ «الماتى بيزنەس 2025» بىرىڭعاي باعدارلاماسى ازىرلەندى، وندا بەس ءتۇرلى باعىت انىقتالدى. قالادا وسى باعىتتاردا، ونىڭ ىشىندە شوب-ءتى دامىتۋعا باعىتتالعان قۇرالداردى جاساۋدا جۇمىستار بەلسەندى جۇرگىزىلۋدە. وسىلايشا، الماتىدا «Qoldaý» كاسىپكەرلىك ورتالىعى ىسكە قوسىلعان، قارجىلىق قولداۋ كورسەتۋ ماقساتىندا «AlmatyFinance» جشس جانە «الماتى مقۇ» جشس كومپانيالارى قۇرىلدى. جالپى، بيىل 2,5 ملرد. تەڭگە سوماسىنا 118 بيزنەس-جوبا قارجىلاندىرىلدى، ولاردىڭ اراسىندا شوب نىساندارى دا بار.

بۇعان دەيىن قارجىلاندىرىلعان شوب نىساندارى، سونداي-اق، جاقىن ارادا پايدالانۋعا بەرىلەتىن قوسىمشا نىساندار الماتى نارىعىنىڭ دامۋىنا وڭ اسەرىن تيگىزەدى جانە قالا تۇرعىندارىن قوسىمشا جۇمىس ورىندارىمەن قامتاماسىز ەتەدى.

تۇرعىن ۇيلەر پايدالانۋعا بەرىلدى

سونداي-اق، الماتىدا استانا كۇنى مەرەكەسى قارساڭىندا «الاتاۋ سيتي»، «اكۆارەل»، «Central Avenue» ، «مەدەۋ پارك»، «تەرەنكۋر تەرراسا»، «گۇلدەر» 6 تۇرعىن ءۇي كەشەنىندەگى كەزەكتى ۇيلەر پايدالانۋعا بەرىلۋدە.

بۇل نىساندار الاتاۋ، بوستاندىق، مەدەۋ جانە ناۋرىزباي اۋداندارىن قوسا العاندا، الماتىنىڭ ءارتۇرلى اۋداندارىندا ورنالاسقان جانە 1 مىڭنان استام پاتەرگە ەسەپتەلگەن. جاڭا تۇرعىن ءۇي كەشەندەرى الماتىنى “شەتسىز قالاعا” اينالدىرۋعا مۇمكىندىك بەرەدى، ول جەردە قالانىڭ بارلىق تۇرعىندارىندا قاي اۋداندا تۇراتىندىعىنا قاراماستان، كۇندەلىكتى قاجەتتى الەۋمەتتىك قىزمەت تۇرلەرىنىڭ جيىنتىعى بولادى.

الماتى قالاسىنىڭ اكىمى باقىتجان ساعىنتاەۆ ماسەلەنى وزگەرتۋ ءۇشىن،  قالا شەتىندە تۇراتىن ازاماتتاردىڭ  دا قالا ورتالىعىنداعى تۇرعىندار سياقتى قىزمەت تۇرلەرىنە قولدارى جەتىمدى بولۋى ءۇشىن ولاردىڭ ءومىر ءسۇرۋ ساپاسىن ارتتىرۋدا جاعداي جاساۋ كەرەكتىگىن ءبىر ەمەس،بىرنەشە رەت اتاپ وتكەن بولاتىن.

ءبىلىم بەرۋ نىساندارى پايدانالۋعا بەرىلىپ جاتىر

استانا كۇنىن مەرەكەلەۋ قارساڭىندا الماتىدا بالالارعا ارنالعان مۋزىكالىق مەكتەپ، مەكتەپتەردىڭ نەگىزگى عيماتتارىنا جالعاستىرىلا سالىنعان قوسىمشا قۇرىلىستار جانە بالاباقشالار پايدالانۋعا بەرىلىپ جاتىر. ءبىلىم بەرۋ نىساندارىنىڭ قۇرىلىسى الماتى قالاسىنىڭ اكىمى باقىتجان ساعىنتاەۆتىڭ تاپسىرماسى نەگىزىندە باستالدى.

№5 بالالار مۋزىكالىق مەكتەبى

جالپى، ەلوردا كۇنىنە وراي الماتىدا الەۋمەتتىك ماڭىزى بار ءبىلىم بەرۋ ينفراقۇرىلىمىنىڭ التى نىسانى ىسكە قوسىلدى.

بۇگىنگى تاڭدا بوستاندىق اۋدانىندا ورنالاسقان ەكى مەكتەپكە دەيىنگى مەكەمە، جەكە مەنشىك بالاباقشا جانە №191 بالاباقشا پايدالانۋعا بەرىلدى،  سايكەسىنشە 45 جانە 195 ورىنعا شاقتالعان. اۋداندا 100 ورىنعا ەسەپتەلگەن  № 45 بالالار مۋزىكا مەكتەبىنىڭ قۇرىلىسى اياقتالدى. سونىمەن قاتار، مەدەۋ اۋدانىندا دا  مۋزىكا مەكتەبىنىڭ قۇرىلىسى اياقتالدى.

№61 مەكتەپكە جاپسارلاستىرىپ سالىنعان وقۋ كورپۋسى

الماتىدا قالانىڭ بارلىق اۋداندارىندا وقۋشىلارعا ارنالعان ورىندار سانىن كوبەيتۋ بويىنشا بەلسەندى جۇمىس جۇرگىزىلۋدە. وسىلايشا، № 61 مەكتەپكە جالعاستىرىلا سالىنعان 450 ورىنعا ارنالعان وقۋ كورپۋسى مەن № 123 مەكتەپ-گيمنازياسىندا وقۋ كورپۋسىن كەڭەيتۋ بويىنشا قۇرىلىس جۇمىستارى اياقتالدى.  № 9 مەكتەپ-ينتەرناتىندا سەيسميكالىق كۇشەيتۋ جۇمىستارى، قالپىنا كەلتىرۋ جانە كۇردەلى جوندەۋ جۇمىستارى جۇرگىزىلۋدە.

سونداي-اق، مەگاپوليستە مەملەكەتتىك جانە قالالىق باعدارلامالار اياسىندا قوسىمشا سەگىز جاڭا مەكتەپ پەن 13 قوسىمشا قۇرىلىستاردىڭ سالىنىپ جاتقانىن، بۇل ورىن تاپشىلىعىن 80% -عا تومەندەتۋگە مۇمكىندىك بەرەتىندىگىن اتاپ ءوتۋ كەرەك. وسىلايشا، جاڭا مەكتەپتەر 18 مىڭعا جۋىق وقۋشى ورنىمەن قامتاماسىز ەتپەك.

جاڭا سكۆەرلەر اشىلدى

استانا كۇنىن مەرەكەلەۋ قارساڭىندا الماتى قالاسىندا حالىق ءومىرىنىڭ ساپاسىن ارتتىرۋعا ارنالعان بىرقاتار نىساندار ىسكە قوسىلۋدا. الماتىدا بوس ۋاقىتتى وتكىزۋگە ارنالعان ءۇش جاڭا قوعامدىق الاڭ اشىلدى. ولاردىڭ اراسىندا «بۋديوننىي» جانە «ماياك» سكۆەرلەرى، سونىمەن بىرگە، جامبىل كوشەسىنىڭ بويى مەن قوجامقۇلوۆ كوشەسىنىڭ بۇرىشىنداعى ۋچاسكەنى اباتتاندىرۋ جۇمىستارى بار. باستى ماقسات – قالا تۇرعىندارى مەن قوناقتارى ءۇشىن قولايلى ميكروكليمات جاساۋ.

“الماتى-2050” ستراتەگياسىندا بەلگىلەنگەن مىندەتتەرگە سايكەس، قالا اكىمشىلىگىنىڭ قىزمەتىندە باسىمدىق بەرىلگەن باعىتتارىنىڭ ءبىرى قالادا قولايلى ورتا قالىپتاستىرۋ بولىپ تابىلادى. الماتى قالاسىنىڭ اكىمى باقىتجان ساعىنتاەۆتىڭ تاپسىرماسىمەن قالانى اباتتاندىرۋ بويىنشا جۇمىستار بەلسەندى تۇردە جۇرگىزىلۋدە جانە ءتۇرلى جوبالار، اتاپ ايتقاندا، «جۇمىسپەن قامتۋدىڭ جول كارتاسى» جانە «قاتىسۋ بيۋدجەتى» باعدارلامالارىنىڭ اياسىندا جۇزەگە اسىرىلۋدا.

وندىرىستىك تسەحتار قولدانىسقا بەرىلدى

استانا كۇنىن مەرەكەلەۋ قارساڭىندا قالا اكىمى باقىتجان ساعىنتاەۆتىڭ باستاماسىمەن الماتىدا بىرقاتار ءوندىرىس نىساندارى ىسكە قوسىلىپ، جاڭعىرتۋ پروتسەسى اياقتالدى. بۇل جەردە «ماسلو-دەل» جشس، «پاپيرونە» جشس، «دور-حان-الماتى» جشس، «سولنەچنىي ءسۇت زاۋىتى» جشس زاۋىتتارى تۋرالى ءسوز بولىپ وتىر.

“دور-حان-الماتى” جشس

«ماسلو-دەل» جشس جۇمىس ىستەپ تۇرعان ءوندىرىسىن كەڭەيتۋدە، ونىڭ ىشىندە سوۋستار، مايونەزدەر جانە كەتچۋپتار وندىرۋدە، وسىمدىك مايىن قۇياتىن قويما كەشەنىنىڭ قۇرىلىس جۇمىستارى اياقتالدى. وسىلايشا، كاسىپورىننىڭ قۋاتتىلىعى جىلىنا 10 مىڭ توننادان 30 مىڭ توننا ونىمگە دەيىن ارتادى.

“سولنەچنىي ءسۇت زاۋىتى” جشس

سونىمەن قاتار، ءۇش قاباتتى دارەتحانا قاعازىن، قاعاز سۇلگىلەردى، قاعاز مايلىقتاردى شىعاراتىن «پاپيرون» جشس جاڭا تسەحىنىڭ قۇرىلىسى، مەتالل وڭدەۋ، جىلجىمالى قورشاۋ كونسترۋكتسيالارىن، اۆتوماتتى قاقپالار مەن جاپقىشتار وندىرەتىن  «دور-حان-الماتى» جشس كەشەنىنىڭ قۇرىلىسى جانە «سولنەچنىي» ءسۇت زاۋىتىن جاڭعىرتۋ جۇمىستارى  جانە ءونىم تۇرلەرىن كەڭەيتۋ ءۇشىن قوسىمشا جابدىقتار الۋ سىندى قوسىمشا جۇمىستار جۇرگىزىلدى.

وندىرىستىك تسەحتاردى سالۋ جانە كەڭەيتۋ جۇمىستارى “الماتى-2050” ستراتەگياسىنىڭ “شەتسىز قالا” باعىتى اياسىندا قالادا پوليورتالىقتى (كوپورتالىقتى) دامىتۋ ماقساتىندا ورىندالدى. “شەتسىز قالادا” ءاربىر اۋداندا بىرەگەي مۇمكىندىكتەر جانە دامىعان وندىرىستىك سالالار بولادى، سول ءۇشىن جاڭا نىساندار سالىنباق.

جاڭا ءوندىرىس ورىندارى ىشكى نارىقتى وتاندىق تاۋارلارمەن قانىقتىرۋدا ايتارلىقتاي اسەر ەتەدى. وسىلايشا، ءتۇرلى سالالار بويىنشا وتاندىق ءونىم ءوندىرىس كولەمىنىڭ  كەڭەيۋى كۇتىلۋدە. بۇل يمپورتتى الماستىرۋعا عانا ەمەس، سونىمەن بىرگە ەكسپورتتىق الەۋەتتىڭ كەڭەيۋىنە دە ىقپال ەتەدى.

جالپى، الماتىدا ونەركاسىپتى دامىتۋ، وتاندىق تاۋار وندىرۋشىلەردى قولداۋ جانە بيزنەس ءۇشىن قولايلى ورتا جاساۋ بويىنشا بەلسەندى جۇمىستار جۇرگىزىلۋدە.

سوڭعى جاڭالىقتار