3 شىلدە, 20:24 727 0 قاۋىپسىزدىك انار لەپەسوۆا

الماتى پوليتسەيلەرى كوپىردەن سەكىرمەك بولعان جىگىتتى قۇتقاردى

الماتىدا پوليتسيا قىزمەتكەرلەرى قىز ءۇشىن ومىرىمەن قوشتاسپاق بولعان جىگىتتى قۇتقاردى. بۇل تۋرالى قالالىق پوليتسيا دەپارتامەنتىنىڭ ءباسپاسوز قىزمەتى حابارلادى.

دەپارتامەنت دەرەگىنشە، 26 جاستاعى قىزىلوردا وبلىسىنىڭ تۋماسى كوپىردەن سەكىرمەك بولعان.

«حاليۋللين كوشەسىمەن وڭتۇستىككە كەلە جاتقاندا قۇلجا تاس جولى كوپىرىندە ءبىر جىگىتتىڭ سەكىرەيىن دەپ تۇرعانىن كوردىك. مەنىڭ ارىپتەسىم جاندوس دۇيسەنبەكوۆ بىردەن جىگىتتىڭ قاسىنا بارىپ ۋاقىتتى سوزۋعا تىرىستى. مەن ەكىنشى جاعىنان باردىم. بۇل جىگىت سۇيگەن قىزىمەن ۇرىسىپ قالىپ، كۇيزەلىسكە تۇسكەن ەكەن. ءبىز ەكەۋمىز اڭگىمەمەن نازارىن بۇرىپ جاتقان كەزدە ءوتىپ بارا جاتقان اۆتوموبيل جۇرگىزۋشىلەرىنىڭ ءبىرى ارت جاعىنان كەلىپ قاپسىرا قۇشاقتاپ ارى تارتىپ كەتتى. جۇرگىزۋشىگە كوپ راحمەت ايتامىز. ول ءبىز سويلەسىپ جاتقاندا سىرتىمىزدان باقىلاپ تۇردى. كەيىن كومەك كەرەك ەكەنىن تۇسىنگەندە بىزبەن ىمداسا وتىرىپ، ارت جاعىنان الىپ كەتتى»، - دەدى قالالىق پد اكىمشىلىك پوليتسيا باسقارماسىنىڭ ارنايى باتالون ينسپەكتور ەرمەك مەڭعاليەۆ.

كۇيزەلىسكە تۇسكەن جىگىت قازىر ءدىن امان. ءمان-جايدى تۇگەل ءتۇسىندىرىپ ايتىپ بەردى. وعان پسيحولوگيالىق كومەك كورسەتىلدى.

 

سوڭعى جاڭالىقتار