3 شىلدە, 19:43 6522 0 الەۋمەت انار لەپەسوۆا

اتاۋلى الەۋمەتتىك كومەك تاعايىنداۋ مەرزىمى قالاي ۇزارتىلادى

30 ماۋسىمعا دەيىن اتاۋلى الەۋمەتتىك كومەك الۋعا ءوتىنىم بەرگەن الماتىلىقتار قۇجاتتارىن جاڭارتۋ ءۇشىن الەۋمەتتىك ءال-اۋقات بولىمىنە بارماي-اق، اۆتوماتتى تۇردە كومەك الادى.

بۇل تۋرالى الماتى قالاسى الەۋمەتتىك ءال-اۋقات قورى باسقارماسى باسشىسىنىڭ ورىنباسارى دانيار الكەبايۇلى ايتتى، دەپ حابارلايدى Sputnik قازاقستان.

ول سونداي-اق، اتاۋلى الەۋمەتتىك كومەكتى رەسىمدەۋ ءۇشىن قالا تۇرعىندارىنان اۋدانداعى بولىمدەرگە بارماۋىن ءوتىندى.

"مەملەكەت باسشىسىنىڭ تاپسىرماسىمەن شىندىقتى، ادىلەتتى جانە ەڭبەككە ىنتالاندىرۋدى قامتاماسىز ەتۋ ماقساتىندا 2020 جىلدىڭ باسىنان اتاۋلى الەۋمەتتىك كومەك  كورسەتۋدىڭ جاڭا تەتىگى ەنگىزىلدى. سوعان سايكەس، ااك تاعايىنداۋ ءۇشىن ازاماتتار توقسان سايىن قۇجاتتاردى قايتا تاپسىرۋى قاجەت", - دەدى الكەبايۇلى.

الايدا وسىجىلدىڭ ەكىنشى توقسانى ۋاقىتىندا ەلدە توتەنشە جاعداي جاريالانىپ، اتالعان كومەكتى الۋشىمەن تىكەلەي بايلانىس بولدىرماۋ ماقساتىندا ااك تاعايىنداۋ مەرزىمى ءوتىنىش بەرمەي-اق، اۆتوماتتى تۇردە ۇزارتىلدى.

"قازىر كوروناۆيرۋس ىندەتى بويىنشا جاعدايدى ەسكەرە وتىرىپ، سونىمەن قاتار كورسەتىلەتىن قىزمەتتى الۋشىمەن تىكەلەي قاتىناستى بولدىرماۋ ءۇشىن مينيسترلىك ااك الۋشىلارىنىڭ ەكىنشى توقسانداعى تابىسى نەگىزىندە اۆتوماتتى تۇردە ءۇشىنشى توقسانعا ءوتىنىش بەرۋدى قاراستىراتىن بۇيرىق جوباسىن دايىنداپ جاتىر ", - دەدى ول.

ول تۇرعىنداردان 30 ماۋسىمعا دەيىن جىلدىڭ ءۇشىنشى توقسانىنا قۇجاتتى قايتا تاپسىرۋ ءۇشىن اۋداندىق الەۋمەتتىك ءال-اۋقات بولىمدەرىنە بارماۋدى سۇرايمىز. اتالعان ازاماتتاردىڭ وتىنىشتەرى اقپاراتتىق جۇيە ارقىلى اۆتوماتتى تۇردە قارالادى.

سونىمەن قاتار وسى ۋاقىتقا دەيىن اتاۋلى الەۋمەتتىك كومەك الۋعا ءوتىنىش بەرمەگەن ازاماتتار "ەلەكتروندى ۇكىمەت" پورتالى ارقىلى "ەلەكتروندى ءوتىنىش" پاراقشاسىنا ءوتىپ، جەكە باسىن كۋالاندىراتىن قۇجاتتى قوسىپ، ءوتىنىش بەرە الادى.

ايتا كەتەيىك، الماتىدا 2020 جىلدىڭ 1 شىلدەسىنە دەيىن اتاۋلى الەۋمەتتىك كومەك 4 419 ادامعا بەرىلدى.

 

سوڭعى جاڭالىقتار