3 شىلدە, 15:58 471 0 ايماق انار لەپەسوۆا

تۇركىستان وبلىسىندا 200-دەن استام ارمەنيالىق كولىك تىركەلدى

تۇركىستان وبلىسىندا 200-دەن استام جۇرگىزۋشى ارمەنيالىق كولىكتەرىن تىركەپ، ارنايى سارى نومىرلەردى الدى.

بۇل جايىندا تۇركىستان وبلىسى پوليتسيا دەپارتامەنتى اكىمشىلىك پوليتسيا باسقارماسىنىڭ باستىعى الماسحان تاستانبەكوۆ ايتتى، دەپ حابارلايدى قازاقپارات.

ۇكىمەت قاۋلىسىنا سايكەس، ءرۋلى سول جاقتا ورنالاسقان كولىك قۇرالدارىن تىركەۋ ءۇشىن تۇركىستاندىقتار 11 مىڭ 946 تەڭگە تولەم جاساعان. ءوڭىردىڭ پوليتسەيلەرى ارمەنيادان اكەلىنگەن كولىكتى تىركەۋ ەرەجەلەرىن ءتۇسىندىرۋ ءۇشىن مامانداندىرىلعان حالىققا قىزمەت كورسەتۋ ورتالىعىندا كەڭەستەر بەرۋدە.

مۇنداعى Call-ورتالىعى كۇن سايىن ساعات 09:00-دەن 19:00-گە دەيىن جۇمىس ىستەيدى. ودان بولەك، ارمەنيادان اكەلگەن كولىكتەرىن باسقا بىرەۋگە ساتىپ جىبەرگەن ازاماتتارعا پوليتسەيلەر كومەكتەسەتىنىن ەسكەرتەدى. ياعني، قر ءىىم دەرەكتەر بازاسى ارقىلى تابۋعا جاردەم كورسەتەدى.

 

سوڭعى جاڭالىقتار