3 شىلدە, 15:14 757 0 قوعام انار لەپەسوۆا

جوو، مەكتەپ پەن بالاباقشاعا قابىلداۋ كەزىندە مەدانىقتاما تالاپ ەتىلمەيدى

قازاقستاندا ءبىلىم الۋشىلار مەديتسينالىق تەكسەرۋدەن وتكەنى تۋرالى انىقتاماسىز-اق شارتتى تۇردە ءبىلىم بەرۋ ۇيىمدارىنا قابىلدانادى.

بۇل تۋرالى ءبىلىم جانە عىلىم مينيسترلىگىنىڭ ءباسپاسوز قىزمەتى حابارلادى

مەديتسينالىق انىقتامانى الۋ بويىنشا تۋىنداپ جاتقان قيىندىقتارعا بايلانىستى ازاماتتارعا ءبىلىم ۇيىمدارىنا قابىلدانۋ ءۇشىن ءتيىستى قۇجاتتاردى تاپسىرۋ بارىسىندا انىقتامانى ۋاقىتشا ۇسىنباۋعا مۇمكىندىك بەرىلەدى.

ازاماتتاردىڭ قاۋىپسىزدىگىن قامتاماسىز ەتۋ ماقساتىندا جانە دەنساۋلىق جاعدايى تۋرالى مەديتسينالىق انىقتامالاردى الۋدا تۋىنداعان قيىندىقتارعا بايلانىستى ءبىلىم جانە عىلىم ءمينيسترى ءبىلىم ۇيىمدارىنا (بالاباقشالارعا، مەكتەپتەرگە، كوللەدجدەر مەن جوو-لارعا) قۇجاتتاردى مەديتسينالىق انىقتاماسىز قابىلداۋعا ۋاقىتشا رۇقسات بەرۋ تۋرالى بۇيرىققا قول قويدى.

Egov.kz پورتالى ارقىلى قۇجاتتاردى جىبەرۋ بارىسىندا مەديتسينالىق انىقتامالاردى وزىنە بايلانىستى ەمەس سەبەپتەر بويىنشا ۇسىنا المايتىن ازاماتتار ءۇشىن اتالعان انىقتامالاردى كەيىن ۇسىنۋعا مۇمكىندىك بەرەتىن فۋنكتسيا ىسكە قوسىلادى. قازىرگى ۋاقىتتا ءبىلىم الۋشىلار مەديتسينالىق تەكسەرۋدەن وتكەنى تۋرالى انىقتامالارسىز شارتتى تۇردە ءبىلىم بەرۋ ۇيىمدارىنا قابىلدانادى.

مەديتسينالىق انىقتامانى وقۋ جىلى باستالعانعا دەيىن مۇمكىندىك بولعان كەزدە تاپسىرۋعا بولادى.

سوڭعى جاڭالىقتار