3 شىلدە, 11:37 628 0 نۇر وتان انار لەپەسوۆا

قر كاسىپوداقتار فەدەراتسياسى Nur Otan-نىڭ پرايمەريزىنە قاتىسۋ تۋرالى مالىمدەمە جاسادى

قر كاسىپوداقتار فەدەراتسياسى «نۇر وتان» پارتياسىنىڭ پرايمەريزىنە قاتىسۋ تۋرالى مالىمدەمە جاسادى. مالىمدەمەنىڭ تولىق ءماتىنىن وقىرمان نازارىنا ۇسىنامىز. 

***

كاسىپوداقتار فەدەراتسياسى قازاقستانداعى ەڭ ۇلكەن جۇمىسشىلار بىرلەستىگى رەتىندە ەڭبەك ادامىنىڭ قۇقىقتارى مەن زاڭدى مۇددەلەرىن قورعاۋ ارقىلى ەلدىڭ دامۋىنا ءوز ۇلەسىن قوسۋدا.

ءبىز جۇمىسشىلاردىڭ پروبلەمالارىنا ارالاسۋ جانە ولاردى جۇمىس بەرۋشىلەرمەن قارىم-قاتىناستا قولداۋ مەملەكەتتىڭ ستراتەگيالىق ماقساتتارىنا قول جەتكىزۋدىڭ ماڭىزدى شارتى دەپ سانايمىز.

سونداي-اق، الەۋمەتتىك ارىپتەستەرمەن ىنتىماقتاستىققا نەگىزدەلگەن بىرلەسكەن جۇمىس قانا قوعامنىڭ جاڭا قۇندىلىقتارىن قالىپتاستىرۋدا ايتارلىقتاي جەتىستىكتەرگە جەتۋگە مۇمكىندىك بەرەدى.

بۇگىنگى مەملەكەت باسشىسى قاسىم-جومارت توقاەۆ جۇرگىزىپ وتىرعان جاڭعىرتۋ باعىتىن ءبىزدىڭ ۇيىمنىڭ بارلىق مۇشەلەرىنە ەلىمىزدىڭ ساياسي جۇيەسىندە بولىپ جاتقان تاريحي وزگەرىستەرگە قاتىسۋشى بولۋعا بىرەگەي مۇمكىندىك بەرەدى.

وسىعان بايلانىستى، لايىقتى بەدەلى بار جانە ءوز ۇجىمدارىندا سەنىم مەن قۇرمەتكە يە كاسىپوداق بەلسەندىلەرىمىزدى «نۇر وتان» پارتياسىنىڭ پرايمەريزىنە بەلسەندى قاتىسىپ، وسى مۇمكىندىكتى پايدالانۋعا شاقىرامىز.

«نۇر وتان» پارتياسىنىڭ توراعاسى، ەلباسى نۇرسۇلتان نازارباەۆتىڭ تاپسىرماسى بويىنشا  الداعى ءماجىلىس پەن ماسليحاتتارعا سايلاۋعا پارتيالىق تىزىمگە ەڭ مىقتى  كانديداتتاردى قوسۋ ءۇشىن پارتياىشىلىك سايلاۋ وتكىزەدى.

ءبىزدىڭ «نۇر وتان» پارتياسىمەن سەرىكتەستىگىمىز  بىرلەسكەن ءىس-قيمىلدار مەن ىنتىماقتاستىقتى ۇيلەستىرۋ ماقساتىندا قول قويىلعان ءوزارا تۇسىنىستىك تۋرالى مەموراندۋم اياسىندا، سونىڭ ىشىندە پرايمەريزدى  وتكىزۋ ماسەلەلەرى بويىنشا جۇزەگە اسىرىلادى.

كاسىپوداقتار فەدەراتسياسى، 2 ميلليونعا جۋىق مۇشەسى بار جانە بۇكىل ەل بويىنشا كاسىپوداق ۇيىمدارىنىڭ كەڭ جەلىسى، ءبىزدىڭ قاتاردا جۇرگەن پارتيا مۇشەلەرىنە قولداۋ كورسەتۋگە جانە ءوز كانديداتۋرالارىن پارلامەنتتىڭ تومەنگى پالاتاسىنا جانە جەرگىلىكتى وكىلدى ورگاندارعا جىبەرۋگە تولىقتاي قابىلەتتى.

ءبىز ءوزىمىزدىڭ نەگىزگى ۇستانىمدارىمىز – الەۋمەتتىك ديالوگ پەن الەۋمەتتىك ادىلەتتىلىكتى ءوز قىزمەتىمىزدىڭ باستى باسىمدىقتارى دەپ جاريالايمىز جانە «نۇر وتان» پارتياسىنىڭ باعدارلامالىق ماقساتتارىن قولدايمىز.

 قۇرمەتتى كاسىپوداق مۇشەلەرى!

 ەگەر زاڭ شىعارۋشى بيلىككە كاسىپوداق قوزعالىسىنىڭ پرينتسيپتەرىن شىن جۇرەكتەن ۇستاناتىن ادامدار كىرسە، جۇمىسشىلاردىڭ مۇددەلەرىن قورعاۋعا جانە العا جىلجىتۋعا باعىتتالعان ءبىزدىڭ ورتاق كۇش-جىگەرىمىز جاڭا سەرپىن الادى!

سوندىقتان، ءبىز بارلىق كاسىپوداق مۇشەلەرىن «نۇر وتان» پارتياسىنىڭ باسەكەلەستىك نەگىزىندە جاڭا كوشباسشىلارىن انىقتاۋ تۋرالى باستاماسىن قولداۋعا جانە كانديدات رەتىندە دە، داۋىس بەرۋ پروتسەسىندە دە پارتياىشىلىك پرايمەريزگە قاتىسۋعا شاقىرامىز.

ىنتىماقتاستىق. ورتاقتاستىق. جاسامپازدىق.

سوڭعى جاڭالىقتار