3 شىلدە, 11:22 640 0 نۇر وتان انار لەپەسوۆا

Nur Otan: قوعامدىق قابىلداۋلارعا تۇسكەن وتىنىشتەر 3,5 ەسە ارتتى

ەسەپ كوميتەتى «Nur Otan» پارتياسى» قۇ-نىڭ قىزمەتىن ۇدايى تەكسەرىپ وتىرادى. بيىل رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى سوڭعى ءۇش جىل ىشىندە بيۋدجەت قاراجاتىنىڭ پايدالانىلۋىنا مەملەكەتتىك اۋديت جۇرگىزدى.

«Nur Otan» پارتياسىندا ەسەپ كوميتەتى جۇرگىزگەن اۋديت - ساياسي پارتيالاردى رەسپۋبليكالىق بيۋدجەتتەن قارجىلاندىرۋ باستالعاننان بەرى جۇرگىزىلگەن ءۇشىنشى تەكسەرۋ. بۇعان دەيىنگى تەكسەرۋلەر 2013 جانە 2017 جىلدارى وتكەن-ءدى.
تەكسەرۋ ناتيجەلەرى بويىنشا قارجىلىق زاڭ بۇزۋشىلىقتار انىقتالعان جوق. الدىڭعى ەكى تەكسەرۋدەن سوڭ جاسالعان ۇسىنىستاردى ورىنداۋ بيۋدجەت قاراجاتىن باسقارۋدىڭ ساپاسىن جاقسارتتى.
اۋديت بارىسىندا انىقتالعان پروتسەدۋرالىق بۇزۋشىلىقتاردى جويۋ بويىنشا شارالار قابىلداندى. ايقىن ءارى اشىقتىق جانە ەسەپتىلىك قاعيداتتارىن باسشىلىققا الا وتىرىپ، پارتيا 2014 جىلدان باستاپ باق-تا ءوز قىزمەتى تۋرالى قارجىلىق ەسەپ جاريالاپ وتىرادى.

قازىرگى تاڭدا پارتيانىڭ ينفراقۇرىلىمى دامىعان، قاتارىنداعى 846 مىڭنان استام پارتيا مۇشەسىنىڭ باسىن بىرىكتىرەتىن 247 فيليال، 4 500 باستاۋىش پارتيا ۇيىمى بار.

حالىقپەن ءتيىمدى بايلانىس ورناتۋ ءۇشىن ءار فيليالدا قوعامدىق قابىلداۋ بولمەلەرى جۇمىس ىستەيدى. ءبىرىنشى جارتىجىلدىقتىڭ قورىتىندىلارى بويىنشا قوعامدىق قابىلداۋلارعا 2019 جىلدىڭ سايكەس كەزەڭىمەن (61,9 مىڭ) سالىستىرعاندا 3,5 ەسە كوپ ءوتىنىش (218,4 مىڭ) ءتۇستى. ونىڭ 98%-ى شەشىلدى، 36%-ى جانە 2%-ى ورىندالۋدا.

ءساۋىر ايىنىڭ باسىنان بەرى پارتيانىڭ ايماقتىق فيليالدارىنىڭ جەدەل جەلى تەلەفوندارىنا 100 مىڭنان استام قوڭىراۋ كەلىپ ءتۇستى. ال فيليالداردىڭ الەۋمەتتىك جەلىلەردەگى اككاۋنتتارىنا جازىلۋشىلار سانى instagram-دا 56,9 مىڭعا، facebook-تە 6,4 مىڭعا كوبەيدى.

سونىمەن قاتار، پارتيانىڭ ساراپتامالىق جانە ءبىلىم بەرۋ ورتالىقتارى بار. ولار ءوز قىزمەتى بارىسىندا جۇمىستارىنىڭ تيىمدىلىگى مەن قاجەتتىلىگىن دالەلدەپ وتىر. اتاپ ايتساق، بۇل - قوعامدىق ساياسات ينستيتۋتى مەن ساياسي مەنەدجمەنت مەكتەبى.

سونداي-اق، پارتيانىڭ قۇرامىنا وعان سەرۆيستىك-قولداۋ، پوليگرافيالىق قىزمەت كورسەتەتىن «نۇر وتان» شارۋاشىلىق باسقارماسى» جشس جانە پارتيانىڭ رەسپۋبليكالىق ءباسپاسوز قۇرالدارى، تەلە جانە راديو ارنالارى مەن ينتەرنەت-رەسۋرستارىنىڭ باسىن بىرىكتىرەتىن «نۇر-مەديا» جشس كىرەدى.

جاستار ساياساتىن ءتيىمدى جۇزەگە اسىرۋ ءۇشىن پارتيا جانىندا «Jas Otan» جاستار قاناتى جۇمىس ىستەيدى. ونىڭ قۇرامىندا بۇگىندە 105 مىڭنان استام جاسوتاندىقتار بار.
جالپى، جوعارىدا اتالعان ۇيىمداردى ەسەپكە الا كەلە، پارتيا اپپاراتى 2931 ادامدى جۇمىسپەن قامتاماسىز ەتىپ، بىلتىردىڭ وزىندە ەل بيۋدجەتىنە 1,3 ملرد. تەڭگە سالىق تولەدى.

سوڭعى جاڭالىقتار