3 شىلدە, 10:34 1058 0 جاھان انار لەپەسوۆا

كيم چەن ىن كحدر اۋماعىندا نەلىكتەن كوروناۆيرۋس جوق ەكەنىن ءتۇسىندىردى

كحدر باسشىسى كيم چەن ىننىڭ ايتۋىنشا،  كوروناۆيرۋستىڭ ەل اۋماعىنا ەنبەۋى ەڭبەك پارتياسى ورتالىق كوميتەتىنىڭ جانە حالىق بىرلىگى ارقاسى.

سولتۇستىك كورەيا باسشىسى مۇنداي پىكىردى ەڭبەك پارتياسى ورتالىق كوميتەتى ساياسي بيۋروسىنىڭ كەڭەيتىلگەن وتىرىسىنا ايتتى، دەپ حابارلايدى ريا نوۆوستي.

"قۇرمەتتى جوعارعى باسشى التى ايلىق مەملەكەتتىك توتەنشە جاعدايدى باقىلاۋ جانە ەپيدەمياعا قارسى جۇمىستاردى ناقتى تالداپ، دۇنيەجۇزىلىك دەنساۋلىق ساقتاۋ داعدارىسىنا قاراماستان، ءبىز قاتەرلى ۆيرۋستىڭ ءبىزدىڭ اۋماققا كىرۋىنە تولىقتاي تىيىم سالىپ وتىرعانىمىزدى جانە تۇراقتى ەپيدەمياعا قارسى احۋالدى ساقتايتىنىمىزدى مالىمدەدى", – دەلىنگەن كورەيانىڭ ورتالىق تەلەگراف اگەنتتىگى حابارلاماسىندا.

اگەنتتىكتىڭ حابارلاۋىنشا، كيم چەن ىن بۇل جەتىستىككە "پارتيانىڭ ورتالىق كوميتەتىنىڭ كورەگەندىكپەن باسقارۋشىلىق قابىلەتى مەن پارتيانىڭ بۇيرىعى مەن جارلىعىنا ساي جۇمىلا ارەكەت ەتەتىن بۇكىل حالىقتىڭ جوعارى سانالى اۋىزبىرشىلىگىنىڭ ارقاسىندا قول جەتكىزىلگەنىن" اتاپ وتكەن.

رەسمي دەرەكتەرگە سايكەس، كۇنى بۇگىندە دەيىن كحدر-دا كوروناۆيرۋس ىندەتىن جۇقتىرۋدىڭ بىردە-ءبىر دەرەگى انىقتالماعان.

سوڭعى جاڭالىقتار