2 شىلدە, 18:34 675 0 سىرتقى ساياسات انار لەپەسوۆا

توقاەۆ ءپۋتيندى رەفەرەندۋمنىڭ ناتيجەلى وتۋىمەن قۇتتىقتادى

قاسىم-جومارت توقاەۆ ۆلاديمير ءپۋتيندى رەسەي فەدەراتسياسىنىڭ كونستيتۋتسياسىنا وزگەرىستەر ەنگىزۋ جونىندەگى جالپىحالىقتىق داۋىس بەرۋدىڭ ناتيجەلى وتۋىمەن قۇتتىقتادى.

بۇل تۋرالى اقوردانىڭ ءباسپاسوز قىزمەتى حابارلادى.

مەملەكەت باسشىسى رەسەيدىڭ جاڭا تاريحىنداعى بۇل ماڭىزدى وقيعا ەلدى ودان ءارى دامىتۋدىڭ جاڭا كەزەڭىنە جول اشىپ، ۇزاق مەرزىمدى دامۋ ستراتەگياسىن جۇزەگە اسىرۋدىڭ، مەملەكەتتىلىكتى، ەگەمەندىكتى جانە ەكونوميكالىق ءوسىمدى قورعاۋدىڭ بەرىك نەگىزىن قالاعانىن ايتتى. سونداي-اق حالىقتىڭ رەسەي كوشباسشىسىنا جوعارى دەڭگەيدە قولداۋ كورسەتكەنىن اتاپ ءوتتى.

سونىمەن قاتار قاسىم-جومارت توقاەۆ ۆلاديمير پۋتينگە كوروناۆيرۋس ىندەتىنىڭ تارالۋىنا قارسى كۇرەستە ەلىمىزگە گۋمانيتارلىق كومەك كورسەتۋ ماقساتىمەن دەر كەزىندە شەشىم قابىلداعانى ءۇشىن ريزاشىلىق ءبىلدىردى.

سوڭعى جاڭالىقتار