2 شىلدە, 17:10 1074 0 دەنساۋلىق انار لەپەسوۆا

قازاقستاندا ءبىر تاۋلىكتە كوروناۆيرۋس پەن پنەۆمونيادان 30 ادام كوز جۇمدى

ەلىمىزدە سوڭعى تاۋلىكتە كوروناۆيرۋس ينفەكتسياسىنان 10, ال پنەۆمونيادان 20 ناۋقاس قايتىس بولدى. بۇل تۋرالى دەنساۋلىق ساقتاۋ ءمينيسترى الەكسەي تسوي مالىمدەدى. 

"قازىر ءبىز اۋرۋ بەلگىلەرى بار جانە اۋرۋ بەلگىلەرى جوق پاتسيەنتتەردىڭ بىرىككەن ستاتيستيكاسىن جۇرگىزۋگە كوشتىك. بۇل ەلدەگى جاعدايدى تولىق ءتۇسىنۋ ءۇشىن قاجەت. سوڭعى تاۋلىك ىشىندە 1247 ادامنان پنەۆمونيا انىقتالدى، ءبىز ولارعا مونيتورينگ جۇرگىزىپ، سايكەس تەراپيامەن قامتاماسىز ەتىپ وتىرمىز. قازىر ستاتيستيكالىق كورسەتكىشتەردى اپتالىق فورماتتا بەرۋدى جوسپارلاپ وتىرمىز. ياعني، ءبىر اپتا ىشىندە ۆيرۋس جۇقتىرعان ناۋقاستار سانى رەسمي رەسۋرستاردا جاريالانادى. وعان قوسا ءبىز كۇندەلىكتى كورسەتكىشتەردى دە باقىلاپ وتىرمامىز. بۇل اقپاراتتاردى بىرىكتىرىپ، اپتا سايىن مالىمەت ۇسىناتىن بولامىز", – دەدى مينيستر.

ايتا كەتەيىك، سوڭعى تاۋلىكتە ەلىمىزدە 1509 ادامنان كوروناۆيرۋس انىقتالىپ, ىندەتكە شالدىققانداردىڭ جالپى سانى 42574-كە جەتتى.

بۇگىن مەملەكەتتىك كوميسسيا ەپيدەميولوگيالىق جاعدايدى تۇراقتاندىرۋ جونىندەگى شارالاردى بەكىتتى. كوميسسيا شەشىمىنە سايكەس، 5 شىلدەدەن باستاپ ەلىمىزدە 14 كۇنگە بىرقاتار شەكتەۋ شارالارى ەنگىزىلەدى.

پرەمەر-مينيستر اسقار ءماميننىڭ ايتۋىنشا، ىندەتتىڭ بەتى قايتپاسا، كارانتين شارالارى تاعى ەكى اپتاعا ۇزارتىلۋى نەمەسە قاتاڭداتىلۋى مۇمكىن.

 

سوڭعى جاڭالىقتار