2 شىلدە, 16:17 719 0 زاڭ انار لەپەسوۆا

كارانتين تالاپتارىن ورىنداماعاندار ايىپپۇل ارقالايدى

ەلىمىزدە كارانتين رەجيمىن بۇزعاندارعا قوماقتى ايىپپۇل سالىنادى. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە ۆيتسە-پرەمەر ەرالى توعجانوۆ ايتتى. 

«كارانتيندىك رەجيم مەن سانيتارلىق-ەپيدەميولوگيالىق تالاپتاردى بۇزعانى ءۇشىن اكىمشىلىك جاۋاپكەرشىلىككە جەكە تۇلعالار 30 اەك-كە (1 اەك - 2778 تەڭگە / 30 اەك - 83 340 تەڭگە), ال كاسىپكەرلىك سۋبەكتىلەرى 230 اەك-تەن (638 940 تەڭگە) جوعارى سوماعا تارتىلادى. ءتيىستى نورماتيۆتىك-قۇقىقتىق اكتى وسى اپتادا قابىلدانادى»، - دەدى ۇكىمەت باسشىسىنىڭ ورىنباسارى.

ەسكە سالا كەتەيىك، بۇگىن مەملەكەتتىك كوميسسيا ەپيدەميولوگيالىق جاعدايدى تۇراقتاندىرۋ جونىندەگى شارالاردى بەكىتتى. كوميسسيا شەشىمىنە سايكەس، 5 شىلدەدەن باستاپ ەلىمىزدە 14 كۇنگە بىرقاتار شەكتەۋ شارالارى ەنگىزىلەدى.

پرەمەر-مينيستر اسقار ءماميننىڭ ايتۋىنشا، ىندەتتىڭ بەتى قايتپاسا، كارانتين شارالارى تاعى ەكى اپتاعا ۇزارتىلۋى نەمەسە قاتاڭداتىلۋى مۇمكىن.

 

سوڭعى جاڭالىقتار