2 شىلدە, 09:17 442 0 جاڭالىقتار انار لەپەسوۆا

ق.توقەۆ: ەلباسى – بۇۇ مىنبەرىنەن ارىپتەستەرىن اتومدى بەيبىت ماقساتقا قولدانۋعا ۇندەگەن ساليقالى ساياساتكەر

پرەزيدەنت قاسىم-جومارت توقاەۆ "ەگەمەن قازاقستان" گازەتىندە جارىق كورگەن "تاريحي تۇلعا تاعىلىمى" اتتى ماقالاسىندا ەلباسى نۇرسۇلتان نازارباەۆتىڭ يادرولىق قارۋدى تاراتپاۋ تۋرالى باستاماسىنىڭ جاھاندىق ماڭىزىنا توقتالدى. 

"سول جىلدارى كسرو سياقتى اسكەري الەۋەتى زور مەملەكەتتىڭ يادرولىق قارۋ-جاراعىنا يە بولىپ قالۋ قازاقستانعا قانشالىقتى ارتىقشىلىق بەرمەك، الدە جاڭا ءبىر شيەلەنىستىڭ وشاعى تۇتانا ما دەگەن ساۋالدار كۇن تارتىبىندە تۇرعان-دى. ويتكەنى ەلىمىزدىڭ قولىنداعى يادرولىق ارسەنال وسى ساناتتا الەمنىڭ العاشقى تورتتىگىنە قوسىلۋعا مۇمكىندىك بەرەتىن ەدى. الايدا، ەلباسىنىڭ ساياسي ەرىك-جىگەرى ارقىلى قازاق ۇلتى الەمدە يادرولىق سىناقتان قاتتى زارداپ شەككەن حالىق رەتىندە جويقىن قارۋدى تاراتپاۋ تۋرالى باستاما كوتەردى", دەدى ول.

سونداي-اق، مەملەكەت باسشىسى تۇڭعىش پرەزيدەنتتىڭ توقتامىن حالىقارالىق قاۋىمداستىق تا وڭ قابىلداعانىن، بۇگىنگە دەيىن قازاقستاننىڭ باستاماسىن قۋاتتاعان بىرقاتار مەملەكەتتەر اشىق كۇندى توزاققا اينالدىرعان يادرولىق پوليگوندارىن جاۋىپ، قولداۋ كورسەتىپ كەلە جاتقانىن ايتتى.

"ايتالىق، سەمەي پوليگونى جابىلعاننان كەيىن رەسەيدىڭ جاڭا جەردەگى سىناق پوليگونى، اقش اۋماعىنداعى "نەۆادا" پوليگونى، فرانتسۋزداردىڭ تىنىق مۇحيتتاعى پوليگونى جانە قىتايدىڭ لوبنور يادرولىق سىناق الاڭى جۇمىسىن توقتاتتى. جەر شارىنىڭ كەز كەلگەن نۇكتەسىنە جەتەرلىك ءبىر مىڭ ەكى ءجۇز يادرولىق وقتۇمسىعى بار 110-نان استام بالليستيكالىق زىمىراندى قۇرايتىن مولشەرى جاعىنان الەمدەگى ءتورتىنشى يادرولىق الەۋەت اقش جانە رەسەيمەن بىرلەسە وتىرىپ، زالالسىزداندىرىلدى. 2006 جىلدىڭ قىركۇيەگىندە ايماقتاعى وزگە دە ەلدەرمەن بىرگە ورتالىق ازيانى يادروسىز ايماق دەپ جاريالاعان سەمەي كەلىسىمىنە قول قويىلدى. كەلىسىمگە قازىردىڭ وزىندە 200-گە جۋىق مەملەكەت قوسىلىپ، 150-دەن استامى راتيفيكاتسيالادى. قازاقستاننىڭ بۇل بەيبىتشىل يدەياسى نەگىزىندە پرەزيدەنت جارلىققا قول قويعان 29 تامىز – دۇنيەجۇزىلىك يادرولىق قارۋعا قارسى ءىس-قيمىل كۇنى رەتىندە اتالىپ وتەدى", دەگەن پرەزيدەنت وسى بەيبىت باستامانى ءالى دە بەلسەندى جالعاستىرۋىمىز قاجەت ەكەنىن ايتتى.

"ەلباسى – بۇۇ مىنبەرىنەن ارىپتەستەرىن اتومدى بەيبىت ماقساتقا قولدانۋعا ۇندەگەن ساليقالى ساياساتكەر. بۇل ماسەلە 1946 جىلى العاش شاقىرىلعان باس اسسامبلەيادا قوزعالعانىمەن الەم ەلدەرى جانتالاسا قارۋلانۋىن توقتاتپاعان بولاتىن. سوندىقتان تۇڭعىش پرەزيدەنتتىڭ تەگەۋرىندى ءسوزى مەن ءىسى ءبىر ارنادان تابىلىپ، ول جاھانداعى جويقىن قارۋدى تاراتپاۋ جولىنداعى جۇيەلى جۇمىستى باستاپ بەردى", دەدى ول.

سوڭعى جاڭالىقتار