2 شىلدە, 08:52 481 0 جاڭالىقتار انار لەپەسوۆا

اتىراۋ وبلىسىندا 4 مىڭ مەديتسينا مامانى كوروناۆيرۋستى ەمدەۋ الگوريتمىن ۇيرەنىپ جاتىر

اتىراۋ وبلىسىندا 4 مىڭ مەديتسينا مامانى Covid-19-دى ەمدەۋ الگوريتمىن ۇيرەنۋدە. بۇل تۋرالى وبلىستىق دەنساۋلىق ساقتاۋ باسقارماسىنىڭ باسشىسىي نۇرلىبەك قابدىقاپاروۆ ايتتى. 

«بۇگىنگى تاڭدا وبلىستا 4 مىڭعا جۋىق مەديتسينا مامانى جۇمىس ىستەيدى. ولاردىڭ بارلىعى دا Covid-19 ىندەتى بويىنشا، دياگنوستيكالاۋ، ءتيىستى مەكەمەگە جولداۋ، ەمدەۋ الگوريتمىن ۇيرەنىپ جاتىر. مەديتسينا ماماندارىنىڭ باسىم بولىگى ستاتسيونارلاردا كوروناۆيرۋسپەن كۇرەسكە جۇمىلدىرىلادى»،- دەدى ن.قابدىقاپاروۆ.

باسقارما باسشىسىنىڭ سوزىنشە، جىل باسىنان بەرى 115 مەديتسينا مامانى كوروناۆيرۋس جۇقتىرعان. ولاردىڭ 38-ءى - دارىگەر بولسا، وزگەلەرى كىشى جانە ورتا دەڭگەيدەگى قىزمەت كورسەتەتىن ماماندار.

ايتا كەتەيىك، بۇگىندە اتىراۋ وبلىسىندا ىندەتكە شالدىققاندار سانى 4133-كە جەتتى. ايماقتا قاتەرلى ۆيرۋستان 6 ادام كوز جۇمدى.

 

سوڭعى جاڭالىقتار