1 شىلدە, 20:44 443 0 قوعام انار لەپەسوۆا

ەلىمىزدە كۇن سايىن 772 مىڭ ماسكا تىگىلەدى

قازاقستاندا ءبىر تاۋلىكتە 772 مىڭ مەديتسينالىق ماسكا تىگىلەدى. قويمالاردا 4 ملن داناسى بار. بۇل تۋرالى قر يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.

«2020 جىلعى 30 ماۋسىمداعى جاعداي بويىنشا ەلىمىزدە تاۋلىگىنە 772 مىڭ دانا بەتپەردە وندىرىلەدى. ونىڭ ىشىندە فارماتسەۆتيكالىق كاسىپورىندار 567 مىڭ، تىگىن كاسىپورىندارى 204 مىڭ دانا ءوندىردى. قويمالاردا 4 ميلليوننان استام بەتپەردە بار. ءتيىستى اقپارات «سق-فارماتسيا« جشس-عا بەرىلىپ تۇرادى. ءوز كەزەگىندە قر دەنساۋلىق ساقتاۋ مينيسترلىگى وندىرىلگەن ءونىمدى ەل وڭىرلەرىنە بولەدى»، - دەدى مينيسترلىكتەن.

ءمالىم ەتىلگەندەي، ەلىمىزدە داكە جانە بوزدەن تىگىلگەن بەتپەردەلەر اتقارۋشى ورگاندارمەن جاسالعان شارت نەگىزىندە جەتكىزىلىپ تۇرادى.

«قازىرگى كەزدە بەتپەردەلەر ءوندىرىسى قر يندۋستريا جانە ينفراقۇرىلىمدىق دامۋ مينيسترلىگىنىڭ قاتاڭ باقىلاۋىنا الىندى. قوسىمشا ءوندىرىستى ىسكە قوسۋ جانە ءوندىرىستى كەڭەيتۋ ناتيجەسىندە بەتپەردەلەر ءوندىرىسىنىڭ كولەمى تاۋلىگىنە 1 ملن داناعا جەتتى. زالالسىزداندىرۋ قۇرالدارىنا كەلسەك، اعىمداعى جىلدىڭ 30 ماۋسىمىندا 63 350 ليتر زالالسىزداندىرۋ قۇرالى شىعارىلدى. قويمادا 331 576 ليتر، تۇتىنۋشىلارعا كوشەلەر مەن ءۇي-جايلاردى تازالاۋ ءۇشىن جانە ءدارىحانا جەلىلەرىنە 56 730 ليتر جونەلتىلدى»، - دەدى ۆەدومستۆودان.

مەديتسينالىق ماسكا تىگىپ وتىرعان فارماتسەۆتيكالىق كاسىپورىندار: «Dolce» جشس (الماتى وبل.) 178 675 دانا/تاۋلىك، «Medical Active Group» جشس (الماتى ق.) 3000 دانا/تاۋلىك، «MegaPharma» جشس (جامبىل وبل.) 50 000 دانا/تاۋلىك، «تك-فارم اقتوبە» جشس (اقتوبە ق.) 40 000 دانا/تاۋلىك، «Ecos» جشس (الماتى ق.) 2 000 دانا/تاۋلىك، «Bizhon» جشس (شىمكەنت ق.) 66 500 دانا / تاۋلىك، «بولاشاق 2019» جشس (نۇر-سۇلتان ق.) 45 000 دانا/تاۋلىك،« Vita Pharma « جشس (نۇر-Cۇلتان ق.) 2 000 دانا/تاۋلىك، BIONIC-PRO جشس (نۇر-سۇلتان ق.) 180 000 دانا/تاۋلىك.

 

سوڭعى جاڭالىقتار