1 شىلدە, 17:28 403 0 قوعام انار لەپەسوۆا

سەمەي قالاسىنىڭ اكىمىنەن كوروناۆيرۋس انىقتالدى

سەمەي قالاسىنىڭ اكىمى ەرمەك ساليموۆ كوروناۆيرۋس جۇقتىردى. بۇل تۋرالى شاھار باسشىسى الەۋمەتتىك جەلىدەگى پاراقشاسىندا حابارلاپ، تۇرعىنداردى ساقتىق شارالارىن ساقتاۋعا ۇندەدى. 

"بۇگىن Covid-19 انىقتاۋ ماقساتىندا تاپسىرعان تەست وڭ ناتيجە بەرگەنى بەلگىلى بولدى. شەكتەۋلەرگە قاراماستان كوپ ادامدارمەن بەلسەندى تۇردە تىعىز بايلانىستا جۇرگىزىلگەن جۇمىستار ءوز اسەرىن كورسەتتى دەۋگە بولادى. بۇگىنگى كۇننەن باستاپ قاتاڭ وقشاۋلاۋ رەجيمىندە بولامىن. مۇمكىندىگىنشە ونلاين جۇمىس جۇرگىزۋگە تىرىسامىن. بارلىق سەمەيلىكتەردى ساقتىق شارالارى مەن سانيتارلىق قىزمەتتەردىڭ ەرەجەلەرىن ساقتاۋعا شاقىرامىن. وزدەرىڭىزدى جانە جاقىندارىڭىزدى ساقتاڭىزدار!", – دەپ جازدى ەرمەك ساليموۆ ءىnstagram پاراقشاسىندا.

ايتا كەتەيىك، بۇعان دەيىن الماتىنىڭ باس سانيتارى جانداربەك بەكشيننىڭ كوروناۆيرۋس جۇقتىرعانىن حابارلاعانبىز.

ال ىندەتتەن ەمدەلىپ شىققان ۆيتسە-پرەمەر ەرالى توعجانوۆ قىزمەتىنە قايتا كىرىستى.

سوڭعى جاڭالىقتار