1 شىلدە, 16:49 436 0 جاھان انار لەپەسوۆا

COVID-19: رەسەيدە ىندەتكە شالدىققاندار سانى 650 مىڭنان اسىپ جىعىلدى

رەسەيدە cوڭعى تاۋلىكتە 6556 ادامنان كوروناۆيرۋس انىقتالىپ، ىندەت جۇقتىرعانداردىڭ جالپى سانى 654 405-كە جەتتى. بۇل تۋرالى ەلدەگى كوروناۆيرۋستىڭ تارالۋىنا قارسى كۇرەس جونىندەگى جەدەل شتاب حابارلادى، دەپ جازادى تاسس.

شتاب مالىمەتىنشە، سوڭعى ەكى تاۋلىكتە ىندەت جۇقتىرۋ دەرەكتەرىنىڭ ءوسىمى 1 پايىزدان اسپاعان. ەم قابىلداپ جاتقان ناۋقاستار سانى 225 879 ادامنان 221 938 ادامعا ازايدى.

وتكەن تاۋلىكتە  10281 ادام كوروناۆيرۋستان ەمدەلىپ شىققان. وسىلايشا رەسەيدە ىندەتتەن ايىققانداردىڭ  جالپى سانى  422 931-گە جەتىپ وتىر.

سونداي-اق، جەدەل شتاب ءبىر تاۋلىك ىشىندە كوروناۆيرۋستان 216 ادام كوز جۇمعانىن حابارلادى. ەلدەگى ىندەت قۇرباندارىنىڭ جالپى سانى - 9 536.

ايتا كەتەيىك، وتكەن تاۋلىكتە قازاقستاندا 1604 ادامنان قاتەرلى ۆيرۋس انىقتالىپ، ىندەتكە شالدىققانداردىڭ جالپى سانى 41 مىڭنان استى. 13,5 مىڭنان استام ناۋقاس ەمدەلىپ شىقتى. دەرتى اسقىنعان 188 ادام قايتىس بولدى.

سوڭعى جاڭالىقتار