1 شىلدە, 09:34 389 0 جاڭالىقتار انار لەپەسوۆا

نۇر-سۇلتاندا جاڭا كوشە مەن ساياباق اشىلادى

ينفراقۇرىلىمدىق جوبالاردى جۇزەگە اسىرۋعا قاتىسۋشىلاردىڭ ورتاشا جالاقىسى – 120 مىڭ تەڭگە، دەپ حابارلايدى اكىمدىكتىڭ رەسمي سايتى.

«جۇمىسپەن قامتۋدىڭ جول كارتاسى» مەملەكەتتىك باعدارلاماسىن ىسكە قوسۋ – ەلوردادا پاندەميا كەزىندە جۇمىسپەن قامتۋدى قامتاماسىز ەتۋ شارالارىنىڭ ءبىرى. ونىڭ ماقساتى – جۇمىسسىزدىققا جول بەرمەۋ جانە قوسىمشا جۇمىس ورىندارىن قۇرۋ. باعدارلاما اياسىندا ءۇش ءىرى ينفراقۇرىلىمدىق نىساننىڭ قۇرىلىسى جۇرگىزىلۋدە.

سونىمەن، № 49 مەكتەپتى كۇردەلى جوندەۋ كەزىندە 98 جاڭا جۇمىس ورنىن اشۋ جوسپارلانۋدا، ونىڭ 55- ءى حالىقتى جۇمىسپەن قامتۋ ورتالىعى ارقىلى. قازىرگى ۋاقىتتا جۇمىسپەن قامتۋ جول كارتاسى بويىنشا ناقتى 28 ادام جۇمىسقا ورنالاستىرىلدى. تۇران داڭعىلىنان جيدەلى (№37) كوشەسىنە دەيىنگى ۋچاسكەدە № 26 كوشەنى سالۋ كەزىندە 189 جاڭا جۇمىس ورنىن اشۋ جوسپارلانۋدا.

جۇمىسپەن قامتۋدىڭ جول كارتاسى باعدارلاماسى بويىنشا حجقو ارقىلى 111 ادام جۇمىسقا ورنالاستىرىلدى. قوشقارباەۆ داڭعىلىنداعى ساياباقتى اباتتاندىرۋعا 31 جۇمىسشى شاقىرىلدى. جۇمىسپەن قامتۋ جول كارتاسى باعدارلاماسى بويىنشا 19 ادام جۇمىسقا ورنالاستىرىلدى.

«پاندەميا كەزىندە بۇل باعدارلاماعا نۇر-سۇلتاندا تۇراقتى تىركەۋدە جوق ازاماتتار دا قاتىسا الادى. بۇل پروتسەستى جەڭىلدەتۋ ءۇشىن جاسالادى»، – دەپ حابارلادى حالىقتى جۇمىسپەن قامتۋ ورتالىعىنىڭ ءباسپاسوز قىزمەتى.

مەملەكەتتىك باعدارلاما ماقساتتارىنىڭ ءبىرى – ەلدى مەكەندەردىڭ ينفراقۇرىلىمىن دامىتۋعا جاعداي جاساۋ. قاتىسۋ الگوريتمى مىناداي: «الدىمەن نۇر-سۇلتان اكىمدىگىنىڭ حالىقتى جۇمىسپەن قامتۋ ورتالىعىنا call-ورتالىق ارقىلى 8 717 257 88 88 نومىرىنە حابارلاسۋ قاجەت.

سودان كەيىن جۇمىس ىزدەۋشىنىڭ تىلەكتەرىنە سۇيەنە وتىرىپ، ورتالىق ماماندارى جوبالارعا لايىقتى بوس جۇمىس ورىندارىن تاڭداپ، اڭگىمەلەسۋگە جىبەرەدى. باعدارلاماعا قاتىسۋ ءۇشىن قۇجاتتار ءتىزىمى – جەكە كۋالىك، ديپلوم جانە ەڭبەك كىتاپشاسى (بار بولسا)»، – دەپ ءتۇسىندىردى ورتالىق ماماندارى.

نۇر-سۇلتان قالاسىنىڭ جۇمىسپەن قامتۋ ورتالىعى ءوز كەزەگىندە جۇمىسسىزداردى جۇمىسقا ورنالاستىرۋ مونيتورينگىن جۇزەگە اسىرادى، سونداي-اق جوبالاردا جاڭا جۇمىس ورىندارىنىڭ قۇرىلۋىنا جەتەكشىلىك ەتەدى. باعدارلامانى ىسكە اسىرۋ جونىندەگى جەدەل شتاب جۇمىس ىستەيدى، وندا جۇمىس بەرۋشى-مەردىگەرلەرمەن ءوزارا ءىس-قيمىل جاسايتىن سالالار بويىنشا بولىنگەن 12 جوبا اكىمشىسى بار. اكىمشىلەر باستالعان جۇمىس سانىن، قۇرىلعان جۇمىس ورىندارىن جانە جۇمىسپەن قامتۋ ورتالىعى ارقىلى ەڭبەكپەن قامتىلعان جۇمىسسىزدار سانىن باقىلايدى.

جۇمىسپەن قامتۋدىڭ جول كارتاسى بويىنشا ەڭ كوپ سۇرالاتىن بوس ورىندار – ەلەكتريك، دانەكەرلەۋشى، سلەسار، مونتاجداۋشى، ۆسدە كاتەگوريالى جۇرگىزۋشى.

«ينفراقۇرىلىمدىق جوبالاردى ىسكە اسىرۋعا قاتىسۋشىلاردىڭ ورتاشا جالاقىسى 120 مىڭ تەڭگەنى قۇرايدى. جۇمىسپەن قامتۋدىڭ جول كارتاسى شارالارىن قارجىلاندىرۋدىڭ جالپى ءليميتى جاڭا جۇمىس ورىندارىنىڭ سانىنا بايلانىستى انىقتالادى»، – دەيدى ماماندار.

ايتا كەتۋ كەرەك، «جۇمىسپەن قامتۋدىڭ جول كارتاسى» مەملەكەتتىك باعدارلاماسى اياسىندا قازىرگى ۋاقىتتا 3137 ادام جۇمىسپەن قامتىلعان. نۇر سۇلتان قالالىق جۇمىسپەن قامتۋ ورتالىعى 7 628 ادامدى جۇمىسپەن قامتۋدى جوسپارلاپ وتىر. 101 ۇيىممەن نيەت حاتتاماسى جاسالدى. ەلوردا تۇرعىندارى ءار ءتۇرلى سالادا ىسكە قوسىلعان 95 ينفراقۇرىلىمدىق جوبا بويىنشا جۇمىسقا تۇرا الادى.

 

سوڭعى جاڭالىقتار