4 ماۋسىم, 18:17 364 0 جاھان انار لەپەسوۆا

اقش-تاعى تارتىپسىزدىكتەردى باسۋعا اسكەريلەر تارتىلا ما – ترامپ جاۋاپ بەردى

اقش پرەزيدەنتى دونالد ترامپ ەلدەگى تارتىپسىزدىكتەردى باسۋ ءۇشىن اسكەري كۇشتەردىڭ كومەگىنە جۇگىنۋ مۇمكىندىگىن جوققا شىعاردى.  

بۇل تۋرالى ول Newsmax TV تەلەارناسىنا بەرگەن سۇحباتىندا مالىمدەدى، دەپ حابارلايدى Gazeta.ru.

اق ءۇي باسشىسى اسكەريلەردى تارتۋ ماسەلەسى جاعدايعا بايلانىستى قارالاتىنىن اتاپ ءوتتى.

"بۇنداي قادامعا بارۋعا تۋرا كەلەدى دەپ ويلامايمىن", – دەدى اقش پرەزيدەنتى.

ەسكە سالا كەتەيىك، 25 مامىردا اقش-تىڭ ميننەاپوليس قالاسىندا پوليتسيا قىزمەتكەرلەرى افروامەريكالىق دجوردج فلويدتى تۇتقىنداعان بولاتىن.  تۇتقىنداۋ كەزىندە پوليتسەي ەر ادامدى تىزەسىمەن قىلقىندىرعان. وقيعا ورنىنان جاريالانعان كادرلاردان مارقۇمنىڭ كومەك سۇراپ، ونى تۇنشىقتىرۋدى دوعارۋىن وتىنگەنىن اڭعارۋعا بولادى. ەر ادام دەم الا الماي جاتقانىن ايتىپ، شاعىمدانعان. الايدا، پوليتسيا قىزمەتكەرى وعان ءمان بەرمەگەن. اقىرىندا دجورج فلويد جان ساقتاۋ بولىمىندە كوز جۇمدى.

وسى وقيعادان كەيىن جاعداي ۋشىعىپ، ميننەاپوليستە جاپپاي تارتىپسىزدىكتەر بولدى. نارازىلىق اكتسياسى اقش-تىڭ وتىزدان استام قالاسىندا جالعاسىن تاپتى.

دجوردج فلويدتى مويىنىن تىزەسىمەن قىلقىندىرعان ميننەاپوليستىڭ بۇرىنعى پوليتسيا قىزمەتكەرى دەرەك شوۆينگە ەكىنشى دارەجەدەگى كىسى ءولتىرۋ ارەكەتى بويىنشا ايىپ تاعىلدى. ۇستاۋ كەزىندە ونىڭ جانىندا بولعان تاعى ءۇش پوليتسيا قىزمەتكەرى ادام ولتىرۋگە كومەكتەسۋ جانە وعان ارانداتۋ بويىنشا ايىپتالۋدا.

اۋەلدە شوۆينگە ءۇشىنشى دارەجەدەگى، ياعني بايقاۋسىزدا كىسى ءولتىرۋ ارەكەتى بويىنشا ايىپ تاعىلعان ەدى. ەكىنشى دارەجەدەگى كىسى ءولتىرۋ امەريكا زاڭنامالارىندا وزگەلەرمەن كەلىسىلمەگەن، بىراق قاساقانا كىسى ءولتىرۋ، دەنساۋلىققا قاساقانا زيانىن تيگىزۋ، ادام ومىرىنە دەگەن نەمقۇرايلىق  ارەكەتى بولىپ ەسەپتەلەدى.

باستاپقىدا فلويدتىڭ ولىمىنە قاتىستى وزگە پوليتسەيلەرگە ايىپ تاعىلماعان بولاتىن. ولار تەك جۇمىستان شىعارىلعان ەدى. الايدا فلويدتىڭ جاقىندارى ولاردى دا جاۋاپقا تارتۋدى تالاپ ەتتى. ەندى فلويدتىڭ ءىسى بويىنشا 4 ادامعا ايىپ تاعىلىپ وتىر.رەيتەر اگەنتتىگىنىڭ حابارلاۋىنشا، شتاتتىڭ باس پروكۋرورى ءۇش پوليتسەيدى تۇتقىنداۋعا وردەر بەرگەن.

سوڭعى جاڭالىقتار