4 ماۋسىم 2020, 18:27 942 0 ەكونوميكا ارايلىم بيمەنديەۆا

اسقار مامين مەملەكەتتىك كوميسسيا وتىرىسىن وتكىزدى

پرەمەر-ءمينيسترى اسقار ءماميننىڭ توراعالىعىمەن قازاقستان رەسپۋبليكاسى پرەزيدەنتى جانىنداعى ەكونوميكالىق ءوسىمدى قالپىنا كەلتىرۋ جونىندەگى مەملەكەتتىك كوميسسيانىڭ العاشقى وتىرىسى ءوتتى.

پرەمەر-مينيستر مەملەكەتتىك كوميسسيانىڭ باستى مىندەتى قازاقستاننىڭ 2025 جىلعا دەيىنگى ستراتەگيالىق دامۋ جوسپارىنىڭ جوباسىن جاڭا رەداكتسياسىندا ازىرلەۋ ەكەنىن جانە پرەزيدەنتتىڭ قاراۋىنا بيىل 1 تامىزعا دەيىن ۇسىنىلۋى كەرەك ەكەنىن اتاپ ءوتتى.

قۇجاتتا ورتاشا مەرزىمدى كەزەڭگە ارنالعان ەلىمىزدىڭ جاڭا ەكونوميكالىق باعىتىنىڭ باعدارلارى ايقىندالاتىن بولادى، ونىڭ ىشىندە سىرتقى ەكونوميكالىق كونيۋنكتۋراداعى وزگەرىستەردى ەسكەرۋمەن ەكونوميكادا ينستيتۋتسيونالدىق جانە قۇرىلىمدىق رەفورمالاردى جۇرگىزۋگە قاتىستى تۇبەگەيلى جاڭا تاسىلدەر قامتىلادى.

«ستراتەگيالىق قۇجات اعىمداعى جانە الەۋەتتى ەكونوميكالىق سىن-تەگەۋرىندەرگە جاۋابىمىز بولادى. بىزگە ەلىمىزدىڭ باسەكەلى ارتىقشىلىقتارىن بارىنشا پايدالانۋمەن قازاقستان ەكونوميكاسىنىڭ جاڭا قۇرىلىمىن قالىپتاستىرۋ بويىنشا شارالاردى ازىرلەپ، قابىلداۋ قاجەت»، – دەدى ا. مامين.

ۇكىمەت باسشىسى مەملەكەتتىك قولداۋدى وتاندىق ءوندىرىستىڭ الەۋەتىن كوتەرۋگە باعىتتاۋ ارقىلى ەكونوميكانىڭ دەربەستىگىن ارتتىرۋ بويىنشا تۇبەگەيلى شارالاردى قابىلاۋدىڭ، تولىققاندى ازىق-تۇلىك قاۋىپسىزدىگىن قامتاماسىز ەتۋدىڭ جانە قازاقستاننىڭ الەمدىك ازىق-تۇلىك حابى رەتىندە قالىپتاسۋىنىڭ، ەكسپورتتىق الەۋەتتى بەلسەندى تۇردە ارتتىرۋدىڭ جانە قۇندى قالىپتاستىرۋدىڭ جاھاندىق تىزبەگىنە كىرىگۋدىڭ، ساپالى ينۆەستيتسيالاردى تارگەتتەپ تارتۋدىڭ، شاعىن جانە ورتا بيزنەستى دامىتۋدىڭ، سونداي-اق تىرشىلىك ارەكەتىنىڭ بارلىق سالالارىن تسيفرلاندىرۋدىڭ ماڭىزدىلىعىن اتاپ ءوتتى.

سوڭعى جاڭالىقتار