3 ماۋسىم 2020, 18:24 675 0 جاڭالىقتار اسىل تۇمار

مەملەكەت باسشىسى ماڭعىستاۋ وبلىسىنىڭ اكىمىن قابىلدادى

مەملەكەت باسشىسى ماڭعىستاۋ وبلىسىنىڭ اكىمى سەرىكباي ترۇموۆتى قابىلدادى، – دەپ حابارلايدى akorda.kz.

قازاقستان پرەزيدەنتىنە ماڭعىستاۋ وبلىسىنىڭ قوعامدىق-ساياسي احۋالى مەن الەۋمەتتىك-ەكونوميكالىق جاعدايى، ايماقتاعى كوروناۆيرۋسقا قارسى كۇرەس شارالارى جانە جاڭاوزەن قالاسىن كەشەندى دامىتۋ جوسپارىنىڭ ورىندالۋ بارىسى جايىندا باياندالدى.

سەرىكباي ترۇموۆ قاسىم-جومارت توقاەۆقا وبلىس ەكونوميكاسىن ءارتاراپتاندىرۋ، وڭدەۋ ونەركاسىبى مەن تۋريزم، كولىك-لوگيستيكا باعىتتارىن دامىتۋ، اۋىلشارۋاشىلىعى سالاسىنداعى شاعىن نەسيەلەۋدى قولداۋ شارالارى تۋرالى ايتتى.

مەملەكەت باسشىسى وڭىردەگى قوعامدىق-ساياسي جاعدايدىڭ تۇراقتىلىعىن قامتاماسىز ەتۋ، ءوندىرىستى دامىتۋ مەن ايماققا ينۆەستيتسيا تارتۋ، تۋريزم سالاسىنداعى جوبالاردى جۇزەگە اسىرۋ جانە كوروناۆيرۋس ىندەتىنە قارسى كۇرەس جونىندە بىرقاتار تاپسىرما بەردى.

سوڭعى جاڭالىقتار