2 ماۋسىم, 15:35 18099 0 جاڭالىقتار اسىل تۇمار

اۋە رەيسى قايتادان توقتاتىلادى – مينيستر

سۋرەت عالامتوردان الىندى
سۋرەت عالامتوردان الىندى

قر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ كوروناۆيرۋسپەن اۋىرعاندار كوبەيگەن ەلدەرگە اۋە رەيسى قايتادان توقتاتىلاتىنىن ايتتى.

قازاقپاراتتىڭ جازۋىنشا، ورتالىق كوممۋنيكاتسيالار قىزمەتىندە وتكەن ەسەپ بەرۋ بريفينگىندە سپيكەر: «حالىقارالىق اۋە رەيستەرىن جانداندىرۋ جۇمىستارىن ءبىز عانا اتقارمايمىز. مۇندا دەنساۋلىق ساقتاۋ مينيسترلىگى ءوز جەلىسى بويىنشا جۇمىس ىستەۋدە، سەبەبى ءتيىستى تەكسەرۋلەردەن ءوتىپ، ۇشۋعا رۇقسات الۋ ءۇشىن بىرنەشە پروتسەدۋرا جۇرگىزۋ كەرەك. قر سىرتقى ىستەر مينيسترلىگى دە ەڭبەك ەتىپ جاتىر. بۇرىن ۆيزاسىز ۇشا بەرەتىن ەلدەر ۆيزا مەن رۇقساتتامانى مىندەتتەپ قويعان. وسىلايشا، ارىپتەستەرمەن كەشەندى جۇمىس جۇرگىزىپ جاتىرمىز»، – دەپ اتاپ ءوتتى.

ونىڭ ايتۋىنشا، كوروناۆيرۋس پاندەمياسىنا قاتىستى جاعداي تۇراقتالعان بىرنەشە ەلدىڭ اۆياتسيالىق بيلىگىمەن رەيستەردى قالپىنا كەلتىرۋ ماسەلەلەرى تالقىلانىپ جاتىر.

«بىزگە شەت ەلدەردەگى كەيبىر شەكتەۋلەر مەن تىيىمداردى العىزۋ كەرەك. سونىمەن بىرگە، باس سانيتارلىق دارىگەر اتالعان ەلدەردەگى جاعدايدى مىندەتتى تۇردە باقىلاۋعا الادى. رۇقسات بەرىلگەن ەلدەردە ەپيدەميولوگيالىق جاعداي قيىنداسا، ۇشۋدى جەدەل توقتاتۋعا ءماجبۇر بولامىز. بۇل – رەيستەردى جانداندىرۋ بويىنشا دەنساۋلىق ساقتاۋ مينيسترلىگىنىڭ مىندەتتى تالابى»، – دەپ ءتۇسىندىردى مينيستر.

سونىمەن بىرگە، مينيستر نيۋ-يورك پەن سينگاپۋرعا اۋە رەيستەرىن اشۋ جوسپارىنىڭ ۆەدومستۆوارالىق كوميسسيانىڭ كەلەسى وتىرىسىندا قارالاتىنىن ايتتى.

بۇعان دەيىن مينيستر قازاقستاندا حالىقارالىق رەيستەردىڭ كەزەڭ-كەزەڭىمەن اشىلاتىنىن ايتىپ، رۇقسات بەرىلگەن العاشقى مەملەكەتتەر ءتىزىمىن جاريالادى. سونداي-اق، اۋە كومپانيالارىنىڭ بيلەت قۇنىن ايىپپۇلسىز، تولىق قايتارۋعا مىندەتتى ەكەنىن جەتكىزدى.

سوڭعى جاڭالىقتار