2 ماۋسىم, 13:51 1400 0 جاڭالىقتار اسىل تۇمار

تۇرعىن ءۇي قۇرىلىس جيناق بانكىنە رەبرەندينگ جاسالادى

سۋرەت - kaskelen.kz
سۋرەت - kaskelen.kz

قر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ «تۇرعىن ءۇي قۇرىلىس جيناق بانكى» اق فۋنكتسيالارى كەڭەيتىلىپ، «وتباسى بانك» دەپ قايتا اتالاتىنىن ايتتى.

قازاقپاراتتىڭ مالىمەتىنشە،ورتالىق كوممۋنيكاتسيالار قىزمەتىندە وتكەن ەسەپ بەرۋ بريفينگىندە سپيكەر: «بيىل 11 مامىردا پرەزيدەنت تۇرعىن ءۇي ساياساتىن رەفورمالاۋ بويىنشا جاڭا يدەولوگيانى ەنگىزۋ تۋرالى ايتتى. جاڭا تۇرعىن ءۇي ساياساتىنىڭ نەگىزگى قاعيداسى – حالىقتىڭ تابىسى مەن جيناقتارىنىڭ بولۋى. ول ءۇشىن تۇرعىن ءۇي قۇرىلىس جيناق بانكىنە ەسەپكە الۋ فۋنكتسياسىن بەرە وتىرىپ، بارلىق ازاماتتاردى تۇرعىن ءۇي الۋعا تەڭ مۇمكىندىكپەن قامتاماسىز ەتۋ ءۇشىن اكىمدىكتەردەگى قازىرگى كەزەك جۇيەسىن رەفورمالاۋ كەرەك جانە «تۇرعىن ۇيگە مۇقتاج» ۇعىمىنىڭ ناقتى كريتەريلەرىن ازىرلەۋ قاجەت. تۇرعىن ءۇي قۇرىلىس جيناق بانكىنىڭ رەبرەندينگىن جۇزەگە اسىرىپ، «ءبىرىنشى تۇرعىن ۇيمەن قامتاماسىز ەتۋ ورتالىعى» بازاسىندا «وتباسى بانك» دەپ قايتا اتاۋ ۇسىنىلادى»، – دەپ اتاپ ءوتتى.

ونىڭ ايتۋىنشا، ۇسىنىلىپ وتىرعان رەفورما جۇمىس ىستەيتىن ءاربىر ازاماتقا تۇرعىن ءۇي ساتىپ الا الاتىن تەڭ جانە تۇسىنىكتى جاعداي جاساۋعا مۇمكىندىك بەرەدى. مينيستر كەلتىرگەن دەرەكتەرگە سايكەس، جىل باسىنان بەرى شامامەن 25 مىڭ تۇرعىن ءۇي نەمەسە 3,1 ملن شارشى مەتر باسپانا پايدالانۋعا بەرىلگەن. جىل باسىنان بەرى 15 ملن شارشى مەتر تۇرعىن ءۇي سالۋ جانە 39 مىڭنان استام وتباسىن مەملەكەتتىك قولداۋمەن قامتۋ جوسپارلانعان.

سوڭعى جاڭالىقتار