1 ماۋسىم, 19:29 361 0 جاڭالىقتار اسىل تۇمار

بايبەك: «ءبىزدىڭ ورتاق مىندەتىمىز – ءاربىر ءبۇلدىرشىننىڭ باقىتتى بالالىعىن قامتاماسىز ەتۋ»

Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك Instagram جەلىسىندەگى پاراقشاسىندا حالىقارالىق بالالاردى قورعاۋ كۇنىمەن قۇتتىقتادى، – دەپ حابارلادى turkystan.kz

«قۇرمەتتى دوستار، حالىقارالىق بالالاردى قورعاۋ كۇنى قۇتتى بولسىن.
بالالاردىڭ تولىققاندى دامۋىنا جانە جان-جاقتى جەتىلۋىنە جاعداي جاساۋ – «Nur Otan» پارتياسىنىڭ نەگىزگى باسىمدىقتارىنىڭ ءبىرى. «باقىتتى وتباسى» جوباسىنىڭ اياسىندا پارتيا وتباسى، ايەلدەر ماسەلەلەرى جانە بالالاردىڭ قۇقىعىن قورعاۋ جونىندەگى رەسپۋبليكالىق قوعامدىق كەڭەس قۇردى. وسى كەڭەستىڭ تەك ءبىر جىل ىشىندەگى قىزمەتى بارىسىندا 1300 ءبىلىم بەرۋ، دەنساۋلىق ساقتاۋ جانە الەۋمەتتىك قورعاۋ ۇيىمدارىنا تەكسەرۋ جۇرگىزىلدى. بالالار مەكەمەلەرىندە جاعدايدى جاقسارتۋ بويىنشا ۇسىنىمدار بەرىلدى.
بۇگىندە دەپۋتاتتارىمىز پارلامەنت ماجىلىسىندەگى جۇمىس توپتارى اياسىندا بالالار قۇقىعىن قورعاۋ جانە وتباسى-تۇرمىستىق زورلىق-زومبىلىقپەن كۇرەس جونىندەگى زاڭ جوباسى بويىنشا قىزۋ جۇمىس جۇرگىزىپ جاتىر» – دەدى باۋىرجان بايبەك.

سونداي-اق، ول پارتيانىڭ باستاماسىمەن وتباسىنداعى زورلىق-زومبىلىقتى انىقتاۋ بويىنشا جەدەل توپتاردىڭ ىسكە قوسىلعانىنا توقتالدى.

«بىرقاتار وڭىرلەردە كوپبالالى انالارعا الەۋمەتتىك قولداۋ، بالالار مەن جاسوسپىرىمدەر ءۇشىن پسيحولوگيالىق كومەك كورسەتۋ ورتالىقتارى قۇرىلدى، ەرەكشە بالالاردىڭ اتا-انالارىن وقىتۋ جۇرگىزىلۋدە. بۇگىنگى مەيرام – ەلىمىزدەگى ءاربىر بالاعا كوڭىل ءبولىپ، قامقورلىققا بولەۋ ءۇشىن تاعى ءبىر جاقسى مۇمكىندىك. بالالار تاربيەسى مەن قامقورلىعىنا وزدەرىن ارناعان جاندارعا شىنايى العىسىمدى بىلدىرەمىن. ءبىزدىڭ ورتاق مىندەتىمىز – ءاربىر قازاقستاندىق ءبۇلدىرشىننىڭ باقىتتى بالالىعىن قامتاماسىز ەتۋ»، – دەپ جازدى ول.

سوڭعى جاڭالىقتار