31 مامىر, 10:57 3493 0 جاڭالىقتار اسىل تۇمار

الماتى وبلىسىندا ايۋ تالاعان ازامات مەرت بولدى

سۋرەت عالامتوردان الىندى
سۋرەت عالامتوردان الىندى

الماتى وبلىسىندا 41 جاستاعى رەسەي ازاماتىن ايۋ تالاپ، مەرت بولدى. قايعىلى جاعداي الاكول اۋدانىندا بولعان.

«بالا كۇنىنەن الاكول اۋدانىنداعى لەپسى اۋىلىندا تۇرىپ كەلە جاتقان 1979 جىلعى رەسەي ازاماتى دوستارىمەن بىرگە بالىق اۋلاۋعا بارعان. وقيعا ۇلتتىق پاركتىڭ اۋماعىندا بولعان. الگى ازامات سول جەردە بورسىقتى كورىپ، ارتىنان قۋا جونەلگەن. بىراق، ارتىنشا ونىڭ جانۇشىرعان داۋسى ەستىلگەن. دوستارى جەتكەندە ول قاڭسىراپ جاتقان. سول ماڭدا جۇرگەن ادامدار ايۋدى كورگەن. ولاردىڭ بولجامىنشا، الگى اڭ بورسىق ەمەس، ايۋدىڭ قونجىعى بولۋى مۇمكىن. ءسىرا، قونجىعىن قورعاعان ايۋ ادامعا تاپ بەرگەن بولار. جاراقات العان رەسەيلىك كوز جۇمدى»، – دەيدى بۇل وقيعا جايلى الماتى وبلىسى اكىمىنىڭ ءباسپاسوز حاتشىسى عالىمۇرات جۇكەل.

سوڭعى جاڭالىقتار