30 مامىر, 20:42 381 0 قوعام انار لەپەسوۆا

الماتىدا بالاباقشالاردىڭ اشىلۋى: اتا-انالارعا قانداي تالاپ قويىلادى؟

1 ماۋسىمنان باستاپ الماتى قالاسىنداعى بالاباقشالاردا كەزەكشى توپتار جۇمىس ىستەي باستايدى. 

قالالىق اكىمدىكتىڭ حابارلاۋىنشا، بالاباقشالاردىڭ كارانتين كەزىندە تالاپقا ساي جۇمىس ىستەۋىن قاداعالاۋ ءۇشىن قۇرامىنا ەپيدەميولوگ-ماماندار، تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ قىزمەتكەرلەرى، اۋداندىق اكىمدىكتەر مەن «Nur Otan» پارتياسىنىڭ جانە قوعامدىق ۇيىمداردىڭ وكىلدەرى كىرگەن 9 مونيتورينگتىك توپ قۇرىلعان.

بۇگىندە مونيتورينگتىك توپ مۇشەلەرى مەكتەپكە دەيىنگى ۇيىمدارداعى كەزەكشى توپتاردىڭ دايىندىعىن تەكسەرىپ جاتىر. بالاباقشالار دايىندىق اكتىسىن العاننان كەيىن عانا بالالاردى قابىلداي الادى.

جۇمىسىن باستايتىن بالاباقشالار سانيتارلىق-ەپيدەميولوگيالىق تالاپتاردى قاتاڭ ساقتاۋعا مىندەتتەلەدى. اتاپ ايتقاندا:

- بالالاردى كەزەكشى توپتارعا ۋچاسكەلىك پەدياتردىڭ دەنساۋلىعى تۋرالى بەرگەن انىقتاماسىمەن قابىلداۋ، ودان كەيىن بالا 3 جۇمىس كۇنىنەن ارتىق بولماعان جاعدايدا تەكسەرىپ قابىلداۋ;

- بالانى مەكتەپكە دەيىنگى ۇيىمدارعا مىنا ساناتتاعى تۇلعالاردىڭ اكەلۋىنە بولمايدى: سوڭعى 14 كۇندە كوروناۆيرۋس جاعدايلارى تىركەلگەن شەت ەلدەردەن جانە وڭىرلەردەن كەلگەن تۇلعالار، جۇكتى ايەلدەر، 65 جاستان اسقان تۇلعالار، وتكىر رەسپيراتورلىق اۋرۋ بەلگىلەرى بايقالعان تۇلعالار;

- قىزمەتكەرلەردى جۇمىسقا COVID-19-عا (پتر، كۇنى 7 كۇننەن كەشىكتىرىلمەگەن) زەرتحانالىق زەرتتەۋدىڭ تەرىس ناتيجەسى بولۋى ۇسىنىلادى.

ايتا كەتەيىك، بۇعان دەيىن نۇر-سۇلتان قالاسىنداعى بالاباقشالار 1 ماۋسىمنان باستاپ قالىپتى رەجيمدە جۇمىس ىستەيتىنىن حابارلاعانبىز.

 

سوڭعى جاڭالىقتار