30 مامىر, 19:28 352 0 قوعام انار لەپەسوۆا

اقتاۋدا قوعامدىق مونشالار مەن سپا-ورتالىقتاردىڭ جۇمىسى جاندانادى

ماڭعىستاۋ وبلىسىنىڭ اۋماعىندا 1 ماۋسىمنان باستاپ كارانتيندىك شارالار كەزەڭ-كەزەڭمەن جەڭىلدەتىلەدى.

وبلىستىڭ باس سانيتار دارىگەرىنىڭ قاۋلىسىنا سايكەس، ماڭعىستاۋ وبلىسىندا 1 ماۋسىمنان باستاپ كارانتيندىك شارالار جەڭىلدەيدى.

1.وبلىس اۋماعىندا جالپى قوزعالىسقا ساعات 6:00 – 23:00 ارالىعىندا رۇقسات ەتىلەدى;

2. سپورت زالدارداعى سپورتتىق جاتتىعۋلارعا جۇمىس رەگلامەنتىن شەكتەۋسىز، عيمارات ىشىندەگى ادام سانىن 30%-عا دەيىنگى سىيىمدىلىقپەن قامتي وتىرىپ رۇقسات ەتىلەدى;

3. قوعامدىق تاماقتانۋ ورىندارىنا، ءدامحانالار مەن مەيرامحانالار (تويحانالاردى قوسپاعاندا) 50 ادام وتىراتىن ورىننان اسىرماي، ەپيدەمياعا قارسى شارالاردى جانە ارا قاشىقتىقتى قاتاڭ ساقتاي وتىرىپ ساعات 23:00-گە دەيىن جۇمىس جاساۋعا رۇقسات ەتىلەدى;

4. جاعاجاي جانە دەمالىس بازالارى ەپيدەمياعا قارسى شارالاردى قاتاڭ ساقتاي وتىرىپ جۇمىستارىن باستايدى;

5.قوعامدىق مونشالارعا جانە سپا-ورتالىقتارىنا ىشىندەگى ادام سانىن 30%-عا دەيىنگى سىيىمدىلىقپەن قامتي وتىرىپ جۇمىس جاساۋىنا رۇقسات بەرىلەدى;

6. ساۋدا ويىن-ساۋىق ورتالىقتارى ساعات 9:00 – 22:00 ارالىعىندا قىزمەتتەرىن جالعاستىرادى. بىراق، كينوتەاترلار مەن بالالاردىڭ ويىڭ الاڭدارىنا جانە مۇز ايدىندارىنا ۋاقىتشا رۇقسات ەتىلمەيدى;

7. جەتىباي مەن مۇنايشى اۋىلدارىنا كىرۋ جانە شىعۋعا شەكتەۋ قويىلادى (ياعني، بلوكپوستتار ورنالاستىرىلادى);

8. مەكەمەلەردە قىزمەتكەرلەر سانىنىڭ 50%-ىن قاشىقتىقتان جۇمىس جاساتۋ ءتارتىبى جالعاسادى. جاعدايعا بايلانىستى كارانتين تالاپتارىن جەڭىلدەتۋ جۇمىستارى الداعى ۋاقىتتاردا دا جالعاساتىن بولادى.

ال، باسقا جاعدايلارداعى شەكتەۋلەر مەن جاسالعان جەڭىلدىكتەر وزگەرىسسىز قالدىرىلادى.

 

سوڭعى جاڭالىقتار