30 مامىر, 15:49 371 0 ايماق انار لەپەسوۆا

40 گرادۋسقا دەيىن ىسيدى: ەلىمىزدىڭ بىرنەشە وڭىرىندە ەسكەرتۋ جاريالاندى

«قازگيدرومەت» رمك اۋا رايىنىڭ قولايسىزدىعىنا بايلانىستى بىرنەشە وڭىردە ەسكەرتۋ جاريالادى.

اتاپ ايتقاندا، كۇندىز 31 مامىردا تۇركىستان وبلىسىندا شىعىستان سوعاتىن جەلدىڭ كۇشى كەي جەرلەردە 15-20 م/س جەتۋى ىقتيمال. 40 گرادۋسقا دەيىنگى قاتتى ىستىق كۇتىلەدى.

31 مامىر كۇنى تۇندە باتىس قازاقستان وبلىسىندا كەي جەرلەردە نايزاعاي كۇتىلەدى. سولتۇستىك باتىستان جەل سوعىپ، كۇندىز ونىڭ ەكپىنى 15-20 م/س ارتادى.

31 مامىردا كۇندىز اقمولا وبلىسىندا وڭتۇستىكتەن، وڭتۇستىك-باتىستان جەل تۇرىپ، جىلدامدىعى كەي جەرلەردە 15-20 م/س ارتۋى مۇمكىن.

31 مامىردا نۇر-سۇلتان قالاسىندا كۇندىز وڭتۇستىكتەن جانە وڭتۇستىك-باتىستان سوعاتىن جەلدىڭ كۇشى 15-18 م/س جەتۋى ىقتيمال.

31 مامىر - 2 ماۋسىم ارالىعىندا قوستاناي وبلىسىنىڭ جەكەلەگەن جەرلەرىندە كۇن 35-38 گرادۋسقا دەيىن ىسيدى.

31 مامىردا كۇندىز قىزىلوردا وبلىسىندا 41 گرادۋس قاتتى ىستىق بولادى. سولتۇستىك- شىعىستان سوعاتىن جەلدىڭ ەكپىنى - 15-20 م/س.

31 مامىر - 2 ماۋسىم ارالىعىندا قاراعاندى وبلىسىنىڭ كەي جەرلەرىندە 35-39 گرادۋس قاتتى ىستىق كۇتىلەدى.

 

 

سوڭعى جاڭالىقتار