30 مامىر, 15:00 600 0 جاھان انار لەپەسوۆا

پۋتين 24 ماۋسىمدى دەمالىس كۇنى دەپ جاريالادى

رەسەي پرەزيدەنتى ۆلاديمير پۋتين 24 ماۋسىم – جەڭىس شەرۋلەرى كۇنىن دەمالىس دەپ جاريالاپ، قىزمەتكەرلەردىڭ ەڭبەكاقىسى ساقتالاتىنىن مالىمدەدى. بۇل تۋرالى كرەملدىڭ سايتىندا جاريالاندى.

مەملەكەت باسشىسىنىڭ جارلىعىندا شەرۋ ماسكەۋدە جانە رەسەيدىڭ وزگە قالالارىندا ساعات 10.00-دە باستالاتىنى، ال ساعات 22.00-گە ارتيللەريالىق وتشاشۋ جوسپارلانعانى ايتىلعان. بۇدان بولەك، پۋتين قورعانىس مينيسترلىگىنە اسكەري شەرۋلەر مەن وتشاشۋ وتكىزىلەتىن ورىنداردى بەلگىلەۋ تۋرالى تاپسىرما بەردى.

كوروناۆيرۋس پاندەمياسىنا بايلانىستى 9 مامىرعا جوسپارلانعان شارا كەيىنگە شەگەرىلگەن بولاتىن. جىلداعىداي شەرۋلەردىڭ ورنىنا بيىل رەسەي قالالارىندا اۆياتسيالىق شەرۋ ءوتتى. سونداي-اق، بىرنەگە ونلاين شارالار ۇيىمداستىرىلدى. كەيىنىرەك ۆلاديمير پۋتين جەڭىس شەرۋى 24 ماۋسىمدا وتەتىنىن مالىمدەدى.

ايتا كەتەيىك، سوڭعى تاۋلىكتە رەسەيدىڭ 84 وڭىرىندە 8572 ادامنان كوروناۆيرۋس انىقتالدى. پاندەميا باستالعالى ەلدە 387 مىڭنان استام ناۋقاس تىركەلدى. ىندەتتەن 4555 ادام قايتىس بولدى.

ال الەمدە كوروناۆيرۋس جۇقتىرعاندار سانى 5,9 ملن ادامعا جەتتى.

سوڭعى جاڭالىقتار