30 مامىر, 13:06 685 0 جاھان انار لەپەسوۆا

تايلاند تۋريستەردى قاشان قابىلدايتىنى بەلگىلى بولدى

تايلاند 1 شىلدەدەن باستاپ شەتەلدىك تۋريستەرگە شەكاراسىن اشپاق. ەل ۇكىمەتى ماۋسىمنىڭ سوڭىندا بيزنەس پەن تۋريزمگە قاتىستى بارلىق شەكتەۋلەردى الىپ تاستاۋدى جوسپارلاپ وتىر.

The Thaiger باسىلىمىنىڭ حابارلاۋىنشا، 1 شىلدەگە دەيىن تايلاندتا توتەنشە جاعداي مەن كومەندانتتىق ساعات توقتاتىلماق. ەلدەگى وزگە دە شەكتەۋلەر  بىرتىندەپ الىنا باستايدى. ىشكى جانە حالىقارالىق ساپارلارعا قاتىستى تىيىمدار دا كۇشىن جويادى.

دەسە دە، تايلاند بيلىگى سانيتارلىقو تالاپتاردى ورىنداۋ، اتاپ ايتقاندا، ماسكا تاعىپ ءجۇرۋ جانە الەۋمەتتىك قاشىقتىق ساقتاۋ شەكتەۋلەر الىنعاننان كەيىن دە مىندەتتى بولىپ قالاتىنىن ەسكەرتۋدە.

سوڭعى دەرەك بويىنشا، تايلاندتا 3076 ادامنان كوروناۆيرۋس انىقتالعان. ەلدە ىندەتتەن 57 ادام قايتىس بولدى.

ايتا كەتەيىك، بۇعان دەيىن يتاليا ءتۋريزمى پاندەميا سالدارىنان تابىسىنىڭ 80 پايىزىن جوعالتۋى مۇمكىن ەكەنىن حابارلاعانبىز.

قازاقستاندىق ماماندار دا وتاندىق ءتۋريزمنىڭ كىرىسى 70-80 پايىزعا كەمۋى مۇمكىن دەگەن بولجام جاسادى.

سوڭعى جاڭالىقتار