30 مامىر, 11:17 337 0 ايماق انار لەپەسوۆا

قاراعاندى وبلىسىندا كوروناۆيرۋس جۇقتىرعاندار سانى 800-دەن استى

پتر-دياگنوستيكالىق زەرتتەۋ ناتيجەلەرى بويىنشا سوڭعى تاۋلىكتە قاراعاندى وبلىسىندا 41 ادامدا COVID-19 ۆيرۋسى انىقتالدى، تىركەلگەن جاعدايلار سكرينينگ بارىسىندا جانە ۆيرۋستى جۇقتىرعاندارمەن جاقىن بايلانىستا بولعانداردى تەكسەرۋ ناتيجەسىندە انىقتالدى.

ونىڭ ىشىندە قاراعاندى قالاسىندا – 25 ادام، تەمىرتاۋ قالاسىندا – 12, شاحتينسك قالاسىندا – 2 جانە بۇقار جىراۋ اۋدانىندا – 2 ادام انىقتالدى.

بارلىعى جۇقپالى اۋرۋلار ستاتسيونارىنا جاتقىزىلدى. قازىرگى ۋاقىتتا ناۋقاستاردىڭ جاعدايى قاناعاتتانارلىق، ەم الىپ جاتىر. وشاقتاردا دەزينفەكتسيالىق شارالار جۇرگىزىلدى.

2020 جىلدىڭ 29 مامىرىنداعى احۋال بويىنشا وبلىستا ۆيرۋستى جۇقىرعان جالپى 829 ادام تىركەلگەن، ونىڭ ىشىندە 3 ادام قايتىس بولعان جانە 221 پاتسيەنت جازىلىپ شىققان.

سوڭعى جاڭالىقتار