29 مامىر, 18:56 415 0 ايماق انار لەپەسوۆا

پاۆلوداردا ەكوبازار اشىلدى

«بيزنەستىڭ جول كارتاسى» باعدارلاماسى اياسىندا ىسكە قوسىلعان جاڭا بيزنەس نىسانىندا ەكولوگيالىق تازا ونىمدەر ساتىلادى، دەپ حابارلايدى pavlodarnews.kz.

– جاڭا ساۋدا نىسانى جۇمىس ورىندارىن قۇرىپ، وندىرۋشىلەرگە اۋىل شارۋاشىلىعى تاۋارلارىن تىكەلەي ساتۋعا مۇمكىندىك بەرەدى، - دەيدى ەسو Bazaar ديرەكتورى ەگور مەركۋلوۆ.

–تاۋارلاردىڭ ساپاسى مەن باعاسى باقىلاۋدا بولادى. بۇل ەرەجە جالعا الۋشىلارمەن جاسالعان شارتتا جازىلعان. ەگەر باعانىڭ جوعارىلاعانىن نەمەسە ءونىمنىڭ ساپاسىنىڭ تومەندىگىن بايقاساق، جالعا الۋشىلارمەن جۇمىسىمىزدى توقتاتامىز. جاڭا بازاردىڭ ساۋدا الاڭدارىندا 24 جالعا الۋشى كوكونىس، ءسۇت جانە ەت ونىمدەرى، باكالەيا جانە شاراپ-اراق ونىمدەرىن ساتادى. «ءادىل» شق اققۋ اۋدانىنان كۇن سايىن جاڭا ەت جەتكىزۋدى كوزدەپ وتىر. شارۋاشىلىق باسشىسى قۋانىش مۇراتوۆتىڭ ايتۋىنشا، كۇنىنە ەكى ءىرى قارا مال، سونداي-اق ورتاشا باعامەن كەلىسى 2300 تەڭگەگە جىلقى ەتى مەن 2200 تەڭگەگە سيىر ەتىن اكەلەدى. شارباقتى اۋدانىنىڭ حمەلنيتسكوە اۋىلىنان «ەسەنتاەۆا» جك سورەسىندە ءارتۇرلى ءسۇت ونىمدەرىنىڭ 14 ءتۇرى - تۇزى بار جانە تۇز قوسىلماعان قولدىڭ مايى، قايماق، كىلەگەي، سۇزبە، ءسۇت، قۇرت پەن قىمىزدىڭ بىرنەشە ءتۇرىن اكەلگەن. جەكە كاسىپكەر انەل ەسەنتاەۆا جاڭا ءونىم كۇندەلىكتى جەتكىزىلەتىنىن اتاپ ءوتتى.

1

وعان قوسا، «مير ۆكۋسوۆ ي اروماتوۆ» فيرماسى دامدەۋىشتەردىڭ 132 ءتۇرىن ۇسىنادى. ەسو bazaar الاڭىندا ساياجاي ونىمدەرىن ساتۋ جوسپارلانعان. ونى ساياجايشىلاردان كوتەرمە ساۋدامەن ساتىپ الماق. سونداي-اق، ساۋدا سورەلەرى مەن فۋد-كورت ورنالاساتىن ەكوبازار عيماراتىنىڭ ەكىنشى قاباتىن ىسكە قوسۋ جوسپارلانىپ وتىر.

-ەسو bazaar وبلىستاعى ازىق-تۇلىك قاۋىپسىزدىگىن ارتتىرادى، - دەيدى وڭىرلىك كاسىپكەرلىك جانە ساۋدا باسقارماسى باسشىسىنىڭ ورىنباسارى مەدەت شوقانوۆ.

6

-مۇندا قولايلى باعا بويىنشا ازىق-تۇلىك تاۋارلارىنىڭ نەگىزگىلەرى كورسەتىلگەن. ەگەر كاسىپكەرلەر تۇراقتاندىرۋ قورىنان ءونىمدى ساتۋعا نيەت بىلدىرسە، ءبىز ونى جەتكىزۋگە دايىنبىز. ايتا كەتەيىك، جاڭا ساۋدا نىسانى دەمالىسسىز ساعات 9:00-دەن 21:00 دەيىن جۇمىس ىستەيدى.

سوڭعى جاڭالىقتار