29 مامىر, 17:43 489 0 كولىك انار لەپەسوۆا

1 ماۋسىمنان باستاپ 54 جۇپ پويىزدىڭ قوزعالىسى جاندانادى

ەلىمىزدە جولاۋشىلار پويىزدارىنىڭ قوزعالىسىن جانداندىرۋ ءۇش كەزەڭدە بويىنشا جۇزەگە اسىرىلادى. 

بۇل تۋرالى قر يدم كولىك كوميتەتى تورعاسىنىڭ ورىنباسارى جانىبەك تايجانوۆ مالىمدەدى.

«جالپى، توتەنشە جاعداي كەزەڭىندە 129 جۇپ پويىزدىڭ قاتىناسى توقتاتىلدى. قازىرگى ەپيدەميولوگيالىق جاعدايعا سايكەس، ۆەدومستۆوارالىق كوميسسيانىڭ وتىرىسىندا ەل ىشىندە جولاۋشىلار پويىزدارىنىڭ قوزعالىسىن جانداندىرۋ تۋرالى شەشىم قابىلداندى. جولاۋشىلار پويىزدارىن ىسكە قوسۋ تۇرعىندار سۇرانىسى مەن وڭىرلەردەگى ەپيدەميولوگيالىق جاعدايعا بايلانىستى ءۇش كەزەڭدە اتقارىلادى»، - دەدى ج. تايجانوۆ.

كوميتەت توراعاسىنىڭ ايتۋىنشا، 1 ماۋسىمنان باستاپ 54 جۇپ پويىزدىڭ قوزعالىسى جاندانادى. ونىڭ ىشىندە بەس «تالگو»، 31 ستاندارتتى جانە 18 قالا ماڭى پويىزى بار.

ءبىرىنشى كەزەكتە نۇر-سۇلتاننان – الماتىعا، وسكەمەنگە، سارىاعاشقا، سەمەيگە، ارقالىققا، پاۆلودارعا، پەتروپاۆلعا، ورالعا، جەزقازعانعا، قىزىلورداعا قوزعالىس اشىلادى، سونداي-اق الماتىدان – شىمكەنتكە، پاۆلودارعا، اقتوبەگە، سارىاعاشقا، وسكەمەنگە، جەزقازعانعا، ورالعا، پەتروپاۆلعا، قوستانايعا باعدارلار جاندانادى.

سونداي-اق، قىزىلوردادان – سەمەيگە، كوكشەتاۋعا، پەتروپاۆلعا قوزعالىس اشىلسا، قوستانايدان – قاراعاندىعا، ارقالىققا، سونداي-اق قاراعاندى مەن جەزقازعانعا قاراي باعدارلار ىسكە قوسىلادى.

ايتا كەتەيىك، 1 ماۋسىمنان باستاپ قازاقستاندا قالالار اراسىنداعى بلوكبەكەتتەر الىنادى.

سونىمەن قاتار،  وبلىس ورتالىقتارى مەن ءىرى قالالارىنا تەمىر جول تاسىمالدارى، سونداي-اق وڭىرارالىق اۆتوبۋس جولاۋشىلار تاسىمالدارى قايتا جاڭعىرتىلادى.

ال 15 ماۋسىمنان باستاپ كينوتەاترلاردىڭ اشىلۋىنا رۇقسات بەرىلمەك.

 

سوڭعى جاڭالىقتار