29 مامىر, 16:23 459 0 ايماق انار لەپەسوۆا

قاسىم-جومارت توقاەۆ اقمولا وبلىسىندا ەگىن القابىن ارالادى

قاسىم-جومارت توقاەۆ اقمولا وبلىسىنا ساپارى بارىسىندا «ەڭ-دالا» جاۋاپكەرشىلىگى شەكتەۋلى سەرىكتەستىگىنىڭ اۋىل شارۋاشىلىعى القابىن ارالاپ كوردى. بۇل تۋرالى اقوردانىڭ ءباسپاسوز قىزمەتى حابارلادى.

قازاقستان پرەزيدەنتىنە اگروونەركاسىپتىڭ تەحنيكالىق جابدىقتالۋى مەن ءونىمدى ارتتىرۋعا بەيىمدەلگەن جەر وڭدەۋ تەحنولوگيالارى، سونداي-اق، ا.باراەۆ اتىنداعى استىق شارۋاشىلىعى عىلىمي-وندىرىستىك ورتالىعى ازىرلەگەن ەليتالىق تۇقىمدى پايدالانۋ جونىندە مالىمەت بەرىلدى.

اقمولا وبلىسىنىڭ اكىمى ەرمەك مارجىقپاەۆ مەملەكەت باسشىسىنا ايماقتاعى اگروونەركاسىپ كەشەنى، ەگىن جانە مال شارۋاشىلىعىن دامىتۋ جوسپارى، سونداي-اق، ەلوردا تۇرعىندارىن ازىق-تۇلىكپەن قامتاماسىز ەتۋ جۇمىستارى تۋرالى باياندادى.

اۋىل شارۋاشىلىعى ءمينيسترى ساپارحان وماروۆ قاسىم-جومارت توقاەۆقا ەلىمىزدەگى كوكتەمگى ەگىس جۇمىستارىنىڭ بارىسى جانە وتاندىق اۋىل شارۋاشىلىعى ءونىمىن وندىرۋشىلەردى قولداۋ ماقساتىندا قارجى ءبولۋ جونىندەگى تاپسىرمالاردىڭ ورىندالۋى جايىندا ەسەپ بەردى.

قازاقستان پرەزيدەنتى مەملەكەت تاراپىنان اگرارلىق سەكتوردى دامىتۋعا باسا ءمان بەرىلىپ وتىرعانىن اتاپ ءوتىپ، اۋىل شارۋاشىلىعىنا ارنالعان جەرلەردى ءتيىمدى پايدالانۋدىڭ ماڭىزدىلىعىن ايتتى.

سوڭعى جاڭالىقتار