29 مامىر, 15:58 2269 0 كولىك انار لەپەسوۆا

14 جاسقا دەيىنگى بالالار ەل ىشىندە ۇشاقپەن تەگىن قاتىنايدى – مينيسترلىك

بۇدان بىلاي 14 جاسقا دەيىنگى بالالار قازاقستان ىشىندە ۇشاقپەن تەگىن ۇشا الادى. بۇل تۋرالى قر سپورت جانە مادەنيەت مينيسترلىگى تۋريزم يندۋسترياسى كوميتەتىنىڭ توراعاسى داستان رىسبەكوۆ مالىمدەدى. 

«اتا-انالارىمەن بىرگە ەل ىشىندە ساياحاتتايتىن 14 جاسقا دەيىنگى جانە 14 جاسقا تولعان بالالار ۇشاقپەن تەگىن قاتىناي الادى. بۇل رەتتە اتا-انالاردىڭ بىرەۋى تەك 2 بالانى عانا تەگىن الىپ جۇرە الادى. شەتەلدىك بالالارعا مۇنداي جەڭىلدىك جۇرمەيدى. بۇل تەك قازاقستاندىقتارعا عانا قاتىستى»، - دەدى  داستان رىسبەكوۆ.

ايتا كەتەيىك، بۇعان دەيىن تۋريزم يندۋسترياسى كوميتەتىنىڭ توراعاسى ەلىمىزدەگى ۇلتتىق تابيعي پاركتەردە ءتۋريزمدى دامىتۋ جوسپارىن تانىستىردى.

سونداي-اق، داستان رىسبەكوۆ پاندەميا سالدارىنان بيىل وتاندىق تۋريزم تابىسىنىڭ 70-80 پايىزىن جوعالتاتىنىن مالىمدەگەن.

سوڭعى جاڭالىقتار