29 مامىر, 12:27 488 0 جاڭالىقتار انار لەپەسوۆا

پاتەردە ماريحۋانا وسىرگەن ەرلى-زايىپتى ۇستالدى

سۋرەت: دەرەككوزدەن الىندى
سۋرەت: دەرەككوزدەن الىندى

كۇدىكتى ەرلى-زايىپتى قالانىڭ تومەنگى بولىگىندە ورنالاسقان “التاي” ىقشاماۋدانىندا تۇرادى جانە ءۇي وسىمدىكتەرىمەن قاتار ۇيىندە قاراسورانىڭ ەسىرتكى ءتۇرىن وسىرگەن،  دەپ حابارلايدى Polisia.kz.

ءۇي يەسىنىڭ ايتۋىنشا، ول جەكە تۇتىنۋ ءۇشىن ماريحۋانانى وسىرگەن، بىراق ساراپتاما ونىڭ دەنەسىندە ەسىرتكىگە سايكەس زاتتاردىڭ بارىن كورسەتكەن جوق.

– بىراق ونىمەن بىرگە تۇراتىن ايەلدەن انىقتالدى. ول 1968 جىلى تۋعان ب.ەسىمدى تۇرعىن. باسىندا كەز-كەلگەن ەسىرتكى زاتىن تۇتىنباعانىن ايتقان بولاتىن. ەسىرتكى قولدانعانى ءۇشىن وعان قر قىلمىستىق كودەكسىنىڭ 296-بابى بويىنشا قىلمىستىق ءىس قوزعالدى. سونىمەن قاتار، س. ەسىمدى ەر ادام ءۇي يەسى بولعاندىقتان قر قىلمىستىق كودەكسىنىڭ 300-بابى (وسىرۋگە تىيىم سالىنعان، قۇرامىندا ەسىرتكى زاتتارى بار وسىمدىكتەردى زاڭسىز ءوسىرۋ) بويىنشا قىلمىستىق ءىس قوزعالدى. كۇدىكتىلەردىڭ ۇيىنەن تەك قۇمىرادا وسەتىن سەگىز قاراسورا تابىلدى. بارلىق زاتتاي ايعاقتار تاركىلەنىپ، ءتيىستى ساراپتاماعا تاپسىرىلدى. ۇستالعانداردىڭ ەشقايسىسىندا تۇراقتى جۇمىس جوق. ايەل بۇرىن اسا اۋىر قىلمىسى ءۇشىن سوتتالعان. قازىرگى ۋاقىتتا قىلمىستىق زاڭنامانى بۇزۋدىڭ بارلىق فاكتىلەرى بويىنشا سوتقا دەيىنگى تەرگەۋ امالدارى جۇرگىزىلىپ جاتىر، – دەدى تۇركسىب اۋداندىق پب جانىنداعى پوليتسيا ءبولىمىنىڭ باسشىسى ەرلان ايانباەۆ.

سوڭعى جاڭالىقتار