29 مامىر, 09:21 900 0 جاھان انار لەپەسوۆا

الەمدەگى ەڭ قارت ەر ادام قايتىس بولدى

الەمدەگى ەڭ قارت ەر ادام – ۇلىبريتانيالىق روبەرت ۋەيتون قايتىس بولدى، دەپ حابارلايدى ۆۆس.

روبەرت ۋەيتون شىعىس يوركشيردەگى حالل قالاسىندا دۇنيەگە كەلگەن. مارقۇم 29 ناۋرىزدا 112 جاسقا تولعان. اقپان ايىندا  112 جاستاعى جاپون ازاماتى تيتەتسۋ ۆاتانابە ومىردەن وتكەننەن كەيىن روبەرت ۋەيتون الەمدەگى ەڭ ۇزاق ءومىر ءسۇرۋشى ەر ادام رەتىندە تانىلعان بولاتىن.

ۋەيتون ءومىر بويى ينجەنەر بولىپ جۇمىس ىستەگەن جانە ۇزاق جىلدار تايۆان، جاپونيا جانە كانادادا ءىسساپارلاردا بولعان.

جۋرناليستەرگە بەرگەن سۇحباتىندا ول كوروناۆيرۋسقا بايلانىستى الەمدەگى جاعدايعا الاڭدايتىنىن ايتقان. "ەكىنشى دۇنيەجۇزىلىك سوعىس كەزىندە  جەڭىس ءۇشىن نە ىستەۋ كەرەگىن جاقسى بىلدىك، ويتكەنى چەرچيلل ەلدى بىرىكتىردى. ال مىنا ۆيرۋسپەن قالاي كۇرەسۋ كەرەگىن بىلمەيمىز", - دەپتى ۋەيتون.

مارقۇمنىڭ ارتىندا ەكى بالاسى، 10 نەمەرەسى جانە 25 شوبەرەسى قالدى.

ايتا كەتەيىك، الەمدەگى ەڭ قارت ايەل – جاپونيالىق كانە تاناكا، ول جىل باسىندا 117 جاسقا تولعان تۋعان كۇنىن اتاپ ءوتتى.

سوڭعى جاڭالىقتار