28 مامىر, 17:19 375 0 نۇر وتان انار لەپەسوۆا

جاسوتاندىقتار «ءوز جاقىندارىڭدى ساقتا» اكتسياسىن باستادى

قازاقستان رەسپۋبليكاسىنىڭ پرەزيدەنتى ق.ك. توقاەۆ كارانتين كەزىندە ءوزىن جانە جاقىندارىن قورعاۋ ماقساتىندا مەديتسينالىق بەتپەردەلەردى تاعۋ قاجەتتىلىگى تۋرالى بىرنەشە رەت ايتقان بولاتىن.

وسىعان وراي، «Nur Otan» پارتياسى الماتى قالالىق فيليالىنىڭ توراعاسى، قالا اكىمى ب. ساعىنتاەۆ قالادا سانيتارلىق قاۋىپسىزدىك رەجيمىن قاتاڭ ساقتاۋ شارالارىن قابىلداۋدى تاپسىردى.

قالا بويىنشا ەنگىزىلگەن بەتپەردەلىك رەجيم ىندەتتى جۇقتىرعاندار سانىن شەكتەۋ جانە ونى تۇراقتاندىرۋ تۇرعىسىنان وتە ماڭىزدى. ازاماتتاردىڭ رەجيمدى قاتاڭ ۇستانۋ قاجەتتىگى بويىنشا ەسكەرتۋ جۇمىستارى بەلسەندى تۇردە جۇرگىزىلۋدە.

الايدا، قالىپتاسقان ەپيدەميولوگيالىق جاعدايدى ەسكەرە وتىرىپ، رەجيمدى ساقتامايتىن ادامدارعا قاتىستى اكىمشىلىك جازالاۋ مەن باسقا دا شارالار قولدانىلاتىن بولادى. سونداي-اق، لاۋازىمدى تۇلعالارمەن قوسا، ءوز وبەكتىلەرىنە ازاماتتاردى بەتپەردەسىز جىبەرەتىن كاسىپكەرلەر دە اكىمشىلىك جاۋاپكەرشىلىككە تارتىلادى.

وسىعان بايلانىستى Jas Otan-نىڭ الماتىلىق فيليالى قالا تۇرعىندارىنا مەديتسينالىق بەتپەردەلەردى قولدانۋدىڭ جانە قاجەتتى قاشىقتىقتى ساقتاۋدىڭ ماڭىزدىلىعى تۋرالى ەسكەرتۋ جانە ءتۇسىندىرۋ بويىنشا «ءوز جاقىندارىڭدى ساقتا» اكتسياسىن ىسكە قوستى.

اكتسيا اياسىندا ارنايى وقۋدان وتكەن «Jas Otan» ەرىكتىلەرى قاتارىنان ءموبيلدى توپتار قۇرىلدى.

ءموبيلدى توپتاردىڭ مىندەتى – كۇشەيتىلگەن ءتۇسىندىرۋ جۇمىستارىن جۇرگىزۋ، قاجەت بولعان جاعدايدا مەديتسينالىق ماسكا تاراتۋ جانە تەمپەراتۋرانى ولشەۋ.

بۇگىن «Jas Otan» ەرىكتىلەرىنىڭ 4 ءموبيلدى توبى 3 جەردە، ياعني «كوك بازار»، اربات جانە قوعامدىق كولىكتەردە رەيد جۇرگىزدى. رەيد بارىسىندا 2000-نان استام ادام رەجيم تۋرالى ءتۇسىندىرىلىپ، 2000-عا جۋىق مەديتسينالىق بەتپەردەلەر تاراتىلدى. بۇل جۇمىس قالانىڭ بارلىق اۋداندارىندا جالعاسىپ، كۇن سايىن وتكىزىلەتىن بولادى.

«Nur Otan» پارتياسىنىڭ الماتى قالالىق فيليالى ۆيرۋستى جۇقتىرۋ قاۋپىن تومەندەتۋ ماقساتىندا قالا تۇرعىندارىن بەتپەردەلىك رەجيمدى قاتاڭ ساقتاۋعا شاقىرادى.

سوڭعى جاڭالىقتار