28 مامىر, 16:11 955 0 زاڭ انار لەپەسوۆا

اقتوبەلىك شەنەۋنىك پارامەن ۇستالدى (ۆيدەو)

اقتوبە قالاسى اكىمى اپپاراتىنىڭ لاۋازىمدى تۇلعاسى پارامەن ۇستالدى.

سىبايلاس جەمقورلىققا قارسى ءىس-قيمىل اگەنتتىگى شەنەۋنىكتى ۇستاۋ ۆيدەوسىن جاريالادى، دەپ حابارلايدى Sputnik قازاقستان.

ۆيدەودا قۇقىق قورعاۋشىلاردىڭ سومكەدەن ەكى بۋما اقشانى الىپ شىققانىن كورۋگە بولادى. 10 000 تەڭگەلىك كۋپيۋرالاردى ءۇش ۇستەلگە جايىپ تاستادى.

اگەنتتىكتىڭ اسا ماڭىزدى ىستەر جونىندەگى تەرگەۋشىسى دانيار بيعايداروۆتىڭ ايتۋىنشا، ۇستالعان شەنەۋنىك – "اقتوبە قالاسى اكىمىنىڭ اپپاراتى" مەملەكەتتىك مەكەمەسىندە ىستەيتىن جەتەكشىلەردىڭ ءبىرى. ول مەكەمە قىزمەتكەرلەرى مەن جەكە كاسىپكەرلەرمەن الدىن الا ءسوز بايلاسۋ ارقىلى 9,9 ميلليون تەڭگەنىڭ بيۋدجەت قاراجاتىن جىمقىرعانى ءۇشىن ايىپتالىپ وتىر.

"لاۋازىمدى تۇلعا 2019 جىلدىڭ قازان ايى مەن 2020 جىلعى ناۋرىز ايى ارالىعىندا مەملەكەتتىك ساتىپ الۋلار بويىنشا جالعان كەلىسىمشارتتار جاساپ، بيۋدجەت قاراجاتىن ۇرلاعان. 6 ناۋرىز كۇنى ول مەردىگەرلىك ۇيىمداردان 1,9 ميلليون تەڭگەنى الۋ كەزىندە ۇستالدى", – دەيدى بيعايداروۆ.

ونىڭ ايتۋىنشا، شەنەۋنىكتى ەكى ايعا قاماۋعا الدى. تەرگەۋ شارالارى جالعاسۋدا. سوڭعى شەشىمدى سوت شىعارادى.

;feature=emb_logo

سوڭعى جاڭالىقتار