28 مامىر, 14:58 431 0 قاۋىپسىزدىك انار لەپەسوۆا

اسكەرگە شاقىرىلعاندار 2 اپتا كارانتيندە بولادى

سۋرەت ينتەرنەتتەن الىندى
سۋرەت ينتەرنەتتەن الىندى

اسكەر قاتارىنا قابىلدانعاندار 14 كۇن كارانتيندە بولىپ، پتر تەست تاپسىرادى. بۇل تۋرالى الماتى قالاسى قورعانىس ىستەرى جونىندەگى دەپارتامەنتتىڭ باسشىسى امانتاي وسەرباەۆ مالىمدەدى. 

دەپارتامەنت باسشىسى انت قابىلداۋ ءراسىمى بارلىق سانيتارلىق نورمالاردى ساقتاي وتىرىپ وتكىزىلەتىنىن ايتتى. دەسە دە، شاراعا اسكەرگە شاقىرۋشىلاردىڭ اتا-انالارى مەن تۋىستارى شاقىرىلمايدى.

«توتەنشە جاعداي رەجيمى اياقتالعانىمەن، قاۋىپ ءالى بار. سوندىقتان اسكەرگە شاقىرۋشىلاردىڭ اتا-انالارى، تۋعان –تۋىستارى مەن دوستارى انت قابىلداۋ راسمىنە قاتىسپايدى.پاندەميا كەزىندە بۇل مۇمكىن ەمەس. بالالارىڭىز سالتاناتتى جيىندى ۆيدەوعا ءتۇسىرىپ سىزدەرگە جىبەرە الادى»،–دەدى امانتاي وسەرباەۆ.

ونىڭ ايتۋىنشا، اسكەرگە شاقىرىلعان ءاربىر ازاماتتىڭ دەنساۋلىعى قاتاڭ باقىلاۋدا بولادى.

«كوروناۆيۋرس جۇقتىرعانداردى جىبەرمەۋ ءۇشىن اسكەرگە شاقىرىلعاندار اراسىندا جۇيەلى جۇمىستار جۇرگىزىلىپ جاتىر. بىرىنشىدەن، اكىمنىڭ شەشىمىنە بايلانىستى مەديتسينالىق كوميسسيانىڭ قۇرامىنا جۇقپالى اۋرۋلار مامانى قوسىلدى جانە بارلىق شاقىرۋ ورىندارىندا مەديتسينالىق پوست قويىلدى. ياعني ءاربىر شاقىرىلعان ازاماتتىڭ دەنە قىزۋى تەكسەرىلىپ، بىردەن جۇقپالى اۋرۋلار دارىگەرىنە بارادى»،-دەدى ا. وسەرباەۆ.

 

سوڭعى جاڭالىقتار