28 مامىر, 11:44 622 0 جاھان انار لەپەسوۆا

COVID-19: ۇلىبريتانيادا ناۋقاستاردى تەستىلەۋ جانە قاداعالاۋ باعدارلاماسى ىسكە قوسىلدى

ۇلىبريتانيادا COVID-19 ىندەتىن جۇقتىرعانداردى تەستىلەۋ جانە قاداعالاۋ باعدارلاماسى ىسكە قوسىلدى.

باعدارلامانى جۇزەگە اسىرۋعا جۇمىلدىرىلعان 25 مىڭ قىزمەتكەرى كوروناۆيرۋس دياگنوزى  راستالعان ناۋقاسپەن قارىم-قاتىناستا بولعاندارعا باقىلاۋ جۇرگىزەدى. ولار ىندەتكە شالدىققاندارمەن  15 مينۋتتان ارتىق بايلانىستا بولعاندارعا قوڭىراۋ سوعىپ، اۋرۋ بەلگىلەرى بايقالماسا دا، 14 كۇنگە وقشاۋلانۋ قاجەتتىگىن ەسكەرتپەك. باستاپقىدا بۇل شارا ەرىكتى تۇردە جۇرگىزىلەدى. الايدا تۇرعىندار تالاپتى ورىندامايتىن بولسا، ەل بيلىگى قاتاڭ شارالارعا كوشپەك.

ۇلىبريتانيانىڭ دەنساۋلىق ساقتاۋ ءمينيسترى مەتت حەنكوكتىڭ ايتۋىنشا، بۇگىندە مەملەكەت كۇنىنە 161 000 تەست جۇرگىزۋگە قاۋقارلى.

سوڭعى دەرەك بويىنشا، ۇلىبريتانيادا كوروناۆيرۋس جۇقتىرعاندار سانى 267 مىڭنان استى. ىندەتتەن 37 460 ناۋقاس كوز جۇمعان.

ايتا كەتەيىك، قازاقستاندا قاتەرلى ۆيرۋس 9576 ادامنان انىقتالدى. 4768 ادام ەمدەلىپ شىقتى. 37 ناۋقاس كوز جۇمدى.

سوڭعى جاڭالىقتار